更多
2014-10-26
2410 瀏覽
馬來西亞一個是港人常去的旅遊點,雖然小妹未曾去過既旅遊點但係小妹也知道它們當地的美食是什麼的!!!!當然不少得是咖央多士當然是必吃之物啦除左就係海南雞飯~但係而家好似好多地方都係出名之菜XD今次小妹就竟然去挑戰吃馬來西亞既美食因為星馬的美食其實多數也是辣的~所以小妹從來真的沒想過到星馬旅遊XDD而今次既挑戰地點就是西環的盛貿飯店既【馬來一菜館】或者大家話下....西環?我十世都未必去啵當然小妹都係去過一次半次就是好友大婚做姊妹先第一次去但係呢個酒店係石塘咀街市隔離~其實都唔難搵架!!不如就介紹一下呢間【馬來一菜館】間既環境先其實呢個餐館本身屬於酒店既早餐部,係下午時份都會有半自助既星馬野食既咁呢個餐廳本身大約分為兩個區域一邊就係似係平時FoodCourt 既座位~一邊就有普通既餐(木台)及梳發位置的座位其實我想都起碼有50(木台)~每個位置都好闊落唔洗驚坐到迫迫咁啦今次我跟新認識的Lagoon小姐 一同品嚐今次既美食係等候美食既同時,她就為了我介紹以下既飲品呢杯係【香茅特飲】呢以香茅飲品配以斑蘭味果凍 $23/杯而我自己飲既呢一杯就係【柑桔特飲】$23/杯呢杯柑桔同平時我地飲開個D 好
馬來西亞一個是港人常去的旅遊點,雖然小妹未曾去過既旅遊點
但係小妹也知道它們當地的美食是什麼的!!!!
當然不少得是咖央多士當然是必吃之物啦
除左就係海南雞飯~但係而家好似好多地方都係出名之菜XD
今次小妹就竟然去挑戰吃馬來西亞既美食
因為星馬的美食其實多數也是辣的~
所以小妹從來真的沒想過到星馬旅遊XDD
而今次既挑戰地點就是西環的盛貿飯店既
【馬來一菜館】
或者大家話下....西環?我十世都未必去啵當然小妹都係去過一次半次就是好友大婚做姊妹先第一次去
但係呢個酒店係石塘咀街市隔離~其實都唔難搵架!!
不如就介紹一下呢間【馬來一菜館】間既環境先
其實呢個餐館本身屬於酒店既早餐部,係下午時份都會有半自助既星馬野食既
咁呢個餐廳本身大約分為兩個區域
一邊就係似係平時FoodCourt 既座位~
一邊就有普通既餐(木台)及梳發位置的座位其實我想都起碼有50(木台)~每個位置都好闊落唔洗驚坐到迫迫咁啦
今次我跟新認識的Lagoon小姐 一同品嚐今次既美食係等候美食既同時,她就為了我介紹以下既飲品
呢杯係【香茅特飲】
呢以香茅飲品配以斑蘭味果凍 $23/杯
而我自己飲既呢一杯就係【柑桔特飲】$23/杯呢杯柑桔同平時我地飲開個D 好大分別,
因為平時我地飲個D都係沖劑類飲品~
但係今次呢杯我覺得係酸酸地甜甜地其實都真係幾開胃
完全岩係呢個夏天飲!!
好啦~終於上菜啦!!其實我自己本身好鐘意食串燒~
今次我地叫左雙併沙嗲雞/牛肉 $72
等我由沙嗲汁開始講起,平時我食串燒係極少點沙嗲汁的
因為我是怕辣的,但係今次呢個呢個沙嗲汁唔係好辣仲帶有DD 甜味tim
不過入面有D花生粒粒,如果對它是敏感人仕要留意
另外講下串燒先,我自己覺得D 雞串好好食~因為好滑
但係反觀D 牛就差少少啦,有D鞋唔夠吸引我(唔知關唔關凍左既事)
另外碟入面仲有三款配料既,首先有一款係香港你未必會見到既
它就是米糕啦,即係白色一舊舊個隻
單吃它就是一定冇味既,所以一定要Mix 埋d 沙嗲汁一齊食
另外兩者就唔係度多講啦
第二度菜就係Lagoon 為小妹推介的本身是沒打算叫呢個小菜,原因就是因為它是辣的,
但係Lagoon 跟小妹說呢個美食,係香港只有兩間做到
一間就係在這裡,一間就係在另一處
女人總是對特別版,限定食品特別感興趣的嗎,
就連小妹呢個吃不到辣的也堅持要品嘗一下呢個地方限定美食呢
呢個美食其實就是【檳客亞參叻沙】$82
究竟點解Lagoon 會咁極力推介呢個美食比我呢
原因就係因為它呢個湯粉,主要湯底係用鮫魚煮成的
加上在碗中有著很多很的鮫魚碎!!!
強烈建議如果你會叫這道菜,記得一定要先飲了湯
這種鮮味真係辣得黎都好過隱又夠鮮甜!!
另外在碗入面除左鮫魚外,仲會有菠蘿,青瓜,蔥頭及薑花
再加以檳城獨色既蝦膏,味道真係好正的!!!
喜歡吃叻沙的朋友一定要試試!!
吃了一個辣的湯粉,來一個不辣的湯粉啦今次呢個就係Lagoon 為小妹揀選既【檳城湯河】$78
之前個碗粉就用左鮫魚做湯底,但係今次呢款就係用左鴨肉黎做
再加上它家獨有既白魚蛋,魚餅,鴨絲及豬紅等等材料
當然仲有我最愛既香蒜粒同我唔愛既蔥xdd
或者有人會問?ER,....點解D 豬紅唔係一舊舊係一條條絲既同埋D 鴨絲一樣?係唔係想偷功減料先!!
其實唔係啦,其實【馬】店既廚師就係想大家可以一個匙羹食到哂所有既材料
我想如果叫我一個人食哂成碗湯粉也可以!!!因為真係好好吃的,平時我係絕對唔掂豬紅
但係今次我真係可以成碗既豬紅都食哂
另外呢碗既湯底真係好好味,加埋鴨肉同埋河粉真係正到卑
最後當然不得不提呢碗粉最令我不能忘記既魚蛋
雖然它唔係極有魚味,但係佢極有咬口及有DD 甜味
真係跟平常吃的魚蛋很不同,呢個小妹極力推介既美食!!
去到最後一個主食啦,它就是【椰漿飯拼盤】$82
既然講得係椰漿飯....當然主角就係個飯啦!!
可能單睇相個飯未必覺得有咩咁特別
咪幾係兩件雞,一塊蛋同d 花生咁
其實它既精髓就係個個飯入面,因為佢唔係一個普通既飯
而係一個用椰汁代替左水去煮成的
所以一上枱時,就聞到陣陣椰汁味~
不過由於我之前已吃得有點飽加上太早已到
飯及其他(食送)已經涼左
所以我就覺得d 雞肉已經變得不太好味
但係個蛋真係弄得不錯,即使它已經凍哂但係用匙一壓
蛋汁滲入椰汁飯好好吃~可惜我太飽了
吃了幾啖就真係放棄左它有d 浪費食物.....
最後即使....我真的很飽但係我仍會吃得甜點的!!!!第一個就是我很想很想試一下正宗的咖央多士$22
其實之前已經有同事在馬拉旅行時,買了一個咖央漿比我一試
但係始終我仍然想試一下正宗的做法嗎xdd
雖然真係好好吃,但係我真係食唔哂,
最後也打包了一件回家....早知問埋個飯可唔可以打包,
咁就唔好哂左d 好野嗎!!!
第二個甜品其實就係【蒸三色西米糕】$28開頭我一睇到呢個甜品,我真係以為係沙冰黎架
其實呢個係一個西米糕黎架,同平時我地食開既西米完全唔同係大粒少少架
另外它是三角柱體上面就是白色西米,下面既係用斑蘭葉煮成汁做既西米
而底個度既汁呢~其實就係用棕櫚糖煮成的
其實呢個食左真係好飽~除非你好多人食
唔係你食左呢個,你就食唔落其他既甜品啦XDD
最後亦係我最想推介既甜品,亦係馬來西亞的最出名的小吃它就是【春蘭椰絲卷】$28/2件
今次呢款小吃其實就以斑蘭葉煮成的Pancake 皮包住以棕櫚糖炒既新鮮椰絲
開頭我會以為係甜到癲個d 小吃啦,點知又唔算好甜啵
可惜係我真係好飽,所以打包左兩件回家
媽媽一打開口蓋就聞到超香既斑蘭味,
媽咪仲要冇叮熱就一口氣食哂兩件
妹妹仲話攪錯!!點解唔留一件比佢xdd
題外話/補充資料：
如果以正宗既馬來西亞菜來說我覺得呢度係抵食架
雖然地方真係唔係咁就腳,不過正如我覺得九龍城都唔就腳啦
今次去西環小妹由粉嶺出發都係轉左兩次車就可以到啦
有陣時好食既野你都唔介意山長水遠去試下架嗎係唔係先?
(以上食評乃用戶個人意見 , 並不代表OpenRice之觀點。)
張貼
