甜品堂 (已結業)

一向對食物有要求嘅我，對於一d門口貼哂雜誌宣傳、不停自稱最好嘅食肆，永遠唔會相信，每一次初嘗試，只抱住試一次，唔好就冇下次嘅態度。點知，今次係徹徹底底地唔止冇下次，仲要專登開個account講下今晚嘅呢間「甜品」店。爲免出事，已經叫咗個超級普通嘅甜品，竟然，冇賣相、冇內涵、膠製布甸一個！最後當然冇食！焦糖燉蛋~甜到入唔到口，面層焦糖真係焦，係燒焦，不過唔脆㗎，何來如此高超技術！最後，仲要冒死哽埋個梳乎里，至於好唔好食，唔想再多提！埋單唔該⋯個伙記黑口黑面，以為佢幫我哋計數，我望住佢，佢塊面黑到黑紅色，好嬲咁話：138呀！嘩，我冇叫你cancel order已經好有品，你哋仲咁嘅態度？