源記甜品專家 (已結業)

源記甜品源記甜品係一間好舊式既糖水鋪，所以賣既糖水都係最老土最舊果Ｄ。雖然老土，但係佢個桑寄生蓮子雞蛋茶好好飲。佢係西營盤b2出口行幾分鐘就到，門口好舊式，如果你隻眼同我隻眼一樣咁大就好易會睇過龍，見到對面有間屈人錢　（watsons）就係果到喇。舊式門面唔算太多選擇我不嬲都好鐘意桑寄生蓮子雞蛋茶，又好飲啦又補啦，同埋最岩女人飲。好多間既我都飲過，但我覺得呢間做得比較好。味道大概好似茶同紅豆沙mix埋一齊咁。蓮子有趙頭，唔會一咬就溶。佢粒蛋蛋都煲得好夠時間，蛋黃都入哂味。隻蛋超入味其他我試過既，好似池記既桑寄生蓮子雞蛋茶，我覺得太多紅棗，另一間我食過既浩記就覺得太重藥材味，但呢間源記我就覺得岩岩好。價錢唔算平，２７蚊。另外仲食左個蒸蛋糕，好有蛋味，但我覺得太乾，唔洗講太多。