更多
2015-07-09
1419 瀏覽
茶記之旅@西灣河有次去到筲箕灣做野。丫唔係係西灣河先岩。其實真係分唔清楚。腦海地標唔係乜鬼文娛中心丫地鐵站咁。而係食食食既神級小食集中地“太安樓”。但今次主角另有其鋪。例牌動作打開op一禁。嘩有間茶記爆晒讚。雖然差好幾個街口。嗨～仲諗咩丫又落雨又凍快快腳過番對面殺過去啦～好啦終於埋周。出得名梗係有獨凸之處啦。九萬幾人排隊就係要攞飛等位啦。又黎well一聲。係咪堅成咁lunch茶記都搣飛仔咁西飛利。好我又等。一個人的午餐一定好快既。果然不出幾分鐘已比我攝左個死角卡位。太感動啦唔洗我同N人搭枱仲可以霸兩個位坐自閉一番先今次耳聞目睹係好多人叫飯既。咁難怪lunch time唔食飯食乜呢。但我就堅持到底茶記之選常餐熱茶。其實見多人講佢個常餐點好點好先堅持啫。你估我傻既咩。可惜原來我真係太天真太傻了如圖所見。忌廉湯底係堅濃的不是普通貨色。只是火腿通粉就係偏向腍同埋唔飽肚。感覺係浪費了湯底。再食餐包典解唔熱嫁。我又無轉到心愛既多士真係想喊出黎。幸好煎蛋同奶茶都還好。至於張相咁斜其實係想影埋個銀色糖盒。十分經典好少見了餵食病既我又點會夠皮。排隊時已經比個沙翁堆吸引住。未食完就加注黎個沙翁啦~伊！哦＊
有次去到筲箕灣做野。丫唔係係西灣河先岩。其實真係分唔清楚。腦海地標唔係乜鬼文娛中心丫地鐵站咁。而係食食食既神級小食集中地“太安樓”。但今次主角另有其鋪。
例牌動作打開op一禁。嘩有間茶記爆晒讚。雖然差好幾個街口。嗨～仲諗咩丫又落雨又凍快快腳過番對面殺過去啦～
好啦終於埋周。出得名梗係有獨凸之處啦。九萬幾人排隊就係要攞飛等位啦。又黎well一聲。係咪堅成咁lunch茶記都搣飛仔咁西飛利。好我又等。一個人的午餐一定好快既。果然不出幾分鐘已比我攝左個死角卡位。太感動啦唔洗我同N人搭枱仲可以霸兩個位坐自閉一番先
今次耳聞目睹係好多人叫飯既。咁難怪lunch time唔食飯食乜呢。但我就堅持到底茶記之選常餐熱茶。其實見多人講佢個常餐點好點好先堅持啫。你估我傻既咩。可惜原來我真係太天真太傻了
如圖所見。忌廉湯底係堅濃的不是普通貨色。只是火腿通粉就係偏向腍同埋唔飽肚。感覺係浪費了湯底。再食餐包典解唔熱嫁。我又無轉到心愛既多士真係想喊出黎。幸好煎蛋同奶茶都還好。至於張相咁斜其實係想影埋個銀色糖盒。十分經典好少見了
餵食病既我又點會夠皮。排隊時已經比個沙翁堆吸引住。未食完就加注黎個沙翁啦~伊！哦＊啊～呢個係出名招牌沙翁？口感味道都怪怪愈食愈唔想食。我。我。真係唔識欣賞。仲要攪到一啖沙翁一枱糖。坐對面既情侶眼望望勁尷尬。心諗呢獲真係𦧲雞翼骨。儀態盡失。查實咬一啖已想放棄但又怕比人笑。唯有硬著頭皮食多兩啖先若無其事咁掉埋一邊囉╮(╯▽╰)╭
沙翁sss
109 瀏覽
2 讚好
0 留言
張貼
