東成茶餐廳 (已結業)

細細個老豆就成日帶我來東成食早餐，每次來到都有份親切感。周日早上一條友，正自諗緊到底食咩做早餐，見東成仲有位就入來搭枱開餐﹗德田商場大裝修，前前後後樓上樓下都改到面目全非，成條電梯改左去另一邊，搞到我兜幾個轉盪失路咁濟﹗東成早餐每次我都只會叫一樣，就係24蚊既火鴨絲雞翼麵，配杯熱咖啡。麵是普通茶記公仔麵，餸料方面有大量雪菜、火鴨絲，仲有隻後上既超大雞翼﹗味道吃了那麼多年也keep住水準，雖是簡單配搭不過吃開有感情，要讚是今次隻雞翼真係好大隻，炸得黃金香脆，比以前進步了﹗