意八餐廳 (已結業)

呢朝去開藍田啟田商場，順便搵間餐廳食個靚早餐，諗起以前經過呢間意八餐廳想搵日嚟試，今日終於有機會啦！本來對早餐無乜特别期望，見到張餐牌，嘩！乜咁多選擇喎！睇到都開心！兩個人，一個叫餐蛋公仔麵，一個叫脆魚柳美式早餐。最鍾意佢設計麵餐方法，正常係一個麵加一杯飲品，唔夠可以加2蚊叫多塊多士，要多要少， 悉隨專便。嚟到先知個麵都好夠份量，份多士原來係厚多士，食咗多士已經半飽。另外一份炸魚柳，朋友覺得魚嫩又炸得金黃香脆，非常贊賞。再配杯即磨咖啡，正！