更多
2015-08-29
1625 瀏覽
以前已經去過幾次都覺得ok，不過上星期再去食飯之後就應該唔會再幫襯。嗰日好早六點已經去到所以唔需要等位，其實我哋都有少少趕時間所以未齊人都想入去坐低叫餸先，亦都已經知道只可以食個半鐘嘅規矩，諗住邊食邊等。當行到櫃檯前面我已經同佢講我哋會點菜先，你可以現在由我坐低嗰刻開始計時，唔需要等我齊人先計；所以好快咁安排咗枱俾我，點知我都未坐低有個阿姐走嚟問我幾多位，可能佢見到我哋4個人要咗張6人枱，咁我咪答佢6位，嗰阿姐就對我講等齊人先入嚟啦，得個半鐘你食咋，我再同佢講多次之前同櫃檯所講嘅嘢，咁佢就行開咗。點知一坐低又有個阿姐走埋嚟講類似嘅説話，我已經火都嚟埋，就同佢講你唔好理我齊唔齊人，你依家同我開始計時，同一時間我亦在我手錶按下計時掣。55分鐘之後我哋都已經差不多食完，5個人已經放低碗筷，但係仲有一個人食緊剩下嘅餸菜，特别强調仲食緊嗰個從來無放低過筷子，一路都默默咁食緊，就已經有個阿姐問係咪食完，咁食緊嗰個梗話未啦，阿姐一於少理，一口氣收晒其他5個人嘅碗呀，筷子呀，空嘅碟呀，成張檯就只剩下一個碗，一碟未食完嘅餸俾仲食緊嗰個，心諗算啦，點知佢仲嚟，值頭攞塊布嚟抹檯，跟住仲放定下一輪嘅乾淨set
張貼