湘川滬 (已結業)

題外話/補充資料： 我第一篇食評就俾劣評，真係不得了嘅湘川滬 :( 之前食過幾次dinner都唔錯架，不論味道或服務態度。 今次就試下飲早茶啦。。。點知真係令人難頂嘅食肆。一入去可以搭枱，咁我同fd兩個人冇所謂咪搭枱囉，一張大枱拆到a, b, c, d, e...ok..冇所謂呢樣。咁我地好快就點好餐，但足足等左半個鐘先開始上啲點心 :huffy: ,其間等左15分鐘左右都已經追佢地，你舉手叫人，當睇你唔到，追左幾次都冇結果。仲要同枱俾我地遲落單嘅人都黎埋野食。。。個服務員仲要大聲夾惡咁同我地講，啲點心要蒸架，你估出面茶餐廳即叫即有咩，唔等得就唔好黎飲茶啦。。 :o 嘩嘩嘩 .你聽到係咪o 晒咀先。。。學華dee講句，宜家咁嘅服務態度真係唔得囉。。。 :huffy: 咁我地諗住唉再唔到咪唔食走囉。。 點知佢地成班師奶職員圍住我同我fd話，點左野就一定要食，唔可以就咁走，大佬，我出去埋單俾錢唔食都唔俾。。真係人都癲。。我地諗住走個刻，佢地拿拿臨攞晒啲點心出黎。。叫我地坐低唔準走。。老老實實都冇晒心情食咪叫個服務員攞個盒打包，啲人又扮睇唔到我地，舉手又冇人理，.終於好辛苦咁叫到人攞盒，拿拿臨包晒就閃，真係冇晒胃口食架啦。。。呢啲要蒸半個鐘嘅點心有奶黃包，牛肉球，春卷，牛柏葉。。。等。。。總之，呢間俾我免費食都唔會去。。費事受氣，到時真係背脊骨落。