更多
2014-06-15
422 瀏覽
今日喺呢區做社會服務令,因為自己初到貴境~唔係好熟附近有野食的地方~行下望到呢間,感覺話晒都係連鎖店,相信應該信得過,所以入左去先醫肚子~入到去左望右望,見到几個服務員行黎行去,佢地望左我兩眼,但冇主動招呼,令我心中覺得可能時間太早所以未開始辦工,有少少唔好意思地問其中一個服務員係咪未開工,佢居然回應:唔係~你想坐邊就坐邊LA…吓~~咁都得..OKOK坐下~D枱櫈唔係太舒服~卡位有少少迫~但又唔想坐圓枱,所以屈就下~睇過餐牌~一般茶餐廳的選擇~基本餐可以加錢加配料,每樣都有價講~!我就點左個吉列魚炒蛋感覺唔夠飽,所以加左錢買餐肉…黎到仲係覺得份量太少~再加錢加左個雪菜米線…吉列魚 – 感覺都算大件~放喺雪到變黃的菜上~有點冷清~入口夠熱~但係一D都唔吉列~魚肉好薄,外層很厚又硬~唔係太好味炒蛋 – 好細件~唔似係即炒~入口感覺就好似炒起好耐先拎出黎的貨色,兩片餐肉 – 不得不話廚師好刀功好火候,餐肉切得一蚊咁薄~而且仲鬼咁好火~煎得鬼咁燶~咬落去變得卜卜脆~一D肉感都冇雪菜肉絲米線 –雪菜同肉絲都大大條~加埋D清湯米線唔會太重咸味~簡單到冇得彈~價錢只係加$6,絕對抵食個兩片薄切餐肉~
行下望到呢間,感覺話晒都係連鎖店,相信應該信得過,所以入左去先醫肚子~
入到去左望右望,見到几個服務員行黎行去,佢地望左我兩眼,但冇主動招呼,
令我心中覺得可能時間太早所以未開始辦工,
有少少唔好意思地問其中一個服務員係咪未開工,
佢居然回應:唔係~你想坐邊就坐邊LA…吓~~咁都得..OKOK
坐下~D枱櫈唔係太舒服~卡位有少少迫~但又唔想坐圓枱,所以屈就下~
睇過餐牌~一般茶餐廳的選擇~基本餐可以加錢加配料,每樣都有價講~!
我就點左個吉列魚炒蛋感覺唔夠飽,所以加左錢買餐肉…黎到仲係覺得份量太少~
再加錢加左個雪菜米線…
吉列魚 – 感覺都算大件~放喺雪到變黃的菜上~有點冷清~入口夠熱~但係一D都唔吉列~
魚肉好薄,外層很厚又硬~唔係太好味
炒蛋 – 好細件~唔似係即炒~入口感覺就好似炒起好耐先拎出黎的貨色,
兩片餐肉 – 不得不話廚師好刀功好火候,餐肉切得一蚊咁薄~
而且仲鬼咁好火~煎得鬼咁燶~咬落去變得卜卜脆~一D肉感都冇
雪菜肉絲米線 –雪菜同肉絲都大大條~加埋D清湯米線唔會太重咸味~簡單到冇得彈~
價錢只係加$6,絕對抵食個兩片薄切餐肉~!
牛油餐包 - 晨早流流的餐包我覺得應該係好軟淋淋先啱~但係我的包子真係硬到冇人有~
好令人相信佢係隔夜貨色~最絕妙的地方係灯都唔灯返熱就比客人~噢~太差~!
最後餐飲我點左熱檸水成今餐的句號
總括黎講..算係見識過佢的出品~可能時間太早,所以大家都冇咩精神
喺可見的未來相信唔會再見,真心希望佢地他日可以有所進步...
題外話/補充資料：
期間的落單追加同點餐飲,服務員的態度真係令我覺得我入黎食早餐係阻住佢地休息一樣~
唉~~~未開工的話早講~我覺得這個早餐食得都相當受氣~!
(以上食評乃用戶個人意見 , 並不代表OpenRice之觀點。)
張貼
