更多
2009-06-25
16 瀏覽
今日要食個Quick Lunch，貪就腳去咗KFC，買咗份家鄉雞皇飯配炸雞粒既套餐。個套餐應該跟個大既家鄉雞皇飯，但上枱既係一個方形碗既飯 (以前係用黑色膠兜，或者係白色碟)，望落似係細碗既size，我向店員救證，原來呢個真係「大」碗家鄉雞皇飯，真縮水。望住呢個似係下午茶既Lunch，我都無咩好講，唯有快快趣食埋去上堂啦。但食咗兩粒雞粒後就好唔妥，點解我只係食到炸粉，食唔到雞肉既？為咗解開呢個迷，我就mit開粒雞粒睇吓，嘩！KFC竟然用神奇既炸粉，令到比手指尾指頭還要小的雞絲，發大5倍變成雞粒。到底呢個係唔係偶然既事呢？為咗知道迷底，我mit開多一粒睇吓，第二粒都係咁架。正當我諗緊好唔好做老好人，就咁算數既時候，我突然望到坐我旁邊既客人，佢份大既家鄉雞皇飯，係用舊款黑色膠兜裝住架，我再望吓自己碗飯，一個家居飯碗上面放住兩三粒雞肉粒，再望吓我唔會食既炸粉，我覺得自己用$25.8 (原價要$30.8，用咗coupon減低5) 買一碗白飯加一杯汽水加六粒炸粉都唔出聲，我就唔係好人，而係白痴。我叫咗經理埋唻，首先問佢：請問我呢碗係唔係大既家鄉雞皇飯？經理：係架！小妹：但以前係用黑色膠兜裝架喎，
望住呢個似係下午茶既Lunch，我都無咩好講，唯有快快趣食埋去上堂啦。但食咗兩粒雞粒後就好唔妥，點解我只係食到炸粉，食唔到雞肉既？為咗解開呢個迷，我就mit開粒雞粒睇吓，嘩！KFC竟然用神奇既炸粉，令到比手指尾指頭還要小的雞絲，發大5倍變成雞粒。到底呢個係唔係偶然既事呢？為咗知道迷底，我mit開多一粒睇吓，第二粒都係咁架。
正當我諗緊好唔好做老好人，就咁算數既時候，我突然望到坐我旁邊既客人，佢份大既家鄉雞皇飯，係用舊款黑色膠兜裝住架，我再望吓自己碗飯，一個家居飯碗上面放住兩三粒雞肉粒，再望吓我唔會食既炸粉，我覺得自己用$25.8 (原價要$30.8，用咗coupon減低5) 買一碗白飯加一杯汽水加六粒炸粉都唔出聲，我就唔係好人，而係白痴。
我叫咗經理埋唻，首先問佢：請問我呢碗係唔係大既家鄉雞皇飯？
經理：係架！
小妹：但以前係用黑色膠兜裝架喎，坐我隔離嗰客人嗰碗都係用膠兜裝架。
經理：基於環保理由，堂食既會用碗，外賣既先用膠兜。
小妹：但佢都係堂食架喎！
經理：…………
小妹：Fine！呢個我唔同你計 (亦都無乜好計，因為只係份量既問題，無謂難為人)，但啲炸雞粒得咁少雞肉 (指住啲雞肉畀佢睇)，我覺得好呃秤囉！
經理：哦！因為係製作過程裏面，有機會出現部份大小不一既情況，可能其他唔係咁……。
小妹：但係我mit咗兩粒都係咁樣。
經理：…………
小妹：基本上我食咗兩粒，mit咗兩粒都係咁樣，我就接受唔到，你同我換過第二樣野食啦！
經理(如釋重負，笑到四萬咁口)：咁請問你想換咩野食呢？
小妹：你換雞中翼畀我啦！
結果個經埋換返雞中翼畀我，我先覺得順氣啲，但以後就算唻，都唔會再叫呢啲野食囉！
張貼
