更多
2013-09-15
118 瀏覽
7-9-2013 (Sat)同男友o係葵芳地鐵o既美心西餅攞三盒月餅,有:原價$180.00,員工價$172.00o既金腿伍仁月餅,原價$122.00,員工價$115.00冰皮甜品美宴同原價$120.00,員工價$115.00o既冰皮芒莓濃情,咁計其實大約係95折,美心對員工真係”好”.點知金腿伍仁月餅唔可以o係呢o度攞,要去指定地方攞,咁唯有第二日至攞畀爸爸.到9-9-2013 (Mon)放工後o黎呢o度攞啦.呢隻月餅唔使雪,亦都只係用紙袋裝住,拎到返屋企打開睇,原來唔係四個,而係有六個,到尋日14-9-2013 (Sat),同爸爸買完餸返到屋企,至晏晝佢食飯,我就開一個食.切開時感覺好實,幾難切,睇睇內裡有好多料,最明顯係瓜子肉同杏仁,其實以前都貪得意食過金腿伍仁月,以為健康啲,點知係超甜,所以都冇再買o黎食,而o衣o家買畀爸爸食,係因為唔想佢成日食蓮蓉蛋黃呢啲膽固醇高o既月餅.切好就食喇,味道就一樣係甜,但亦食到微微酸味,睇睇成份表(原來有咁多o野),原來有糖桔餅,而o係其他列明o既成份當中,當然食到杏仁啦,亦食到冬瓜蓉,而其他咩o野合桃,橄欖仁,糖蓮子,唔係好食到喎.口感係食到
點知金腿伍仁月餅唔可以o係呢o度攞,要去指定地方攞,咁唯有第二日至攞畀爸爸.到9-9-2013 (Mon)放工後o黎呢o度攞啦.
呢隻月餅唔使雪,亦都只係用紙袋裝住, 拎到返屋企打開睇,原來唔係四個,而係有六個, 到尋日14-9-2013 (Sat),同爸爸買完餸返到屋企,至晏晝佢食飯,我就開一個食. 切開時感覺好實,幾難切, 睇睇內裡有好多料,最明顯係瓜子肉同杏仁,其實以前都貪得意食過金腿伍仁月,以為健康啲,點知係超甜,所以都冇再買o黎食,而o衣o家買畀爸爸食,係因為唔想佢成日食蓮蓉蛋黃呢啲膽固醇高o既月餅.
切好就食喇,味道就一樣係甜,但亦食到微微酸味,睇睇成份表 (原來有咁多o野),原來有糖桔餅,而o係其他列明o既成份當中,當然食到杏仁啦,亦食到冬瓜蓉,而其他咩o野合桃,橄欖仁,糖蓮子,唔係好食到喎.
口感係食到膠膠地同有o趙口o既,可能係明膠o既作用啦,而食到最尾,我竟然食到一舊直徑大約3mm o既砂糖 .
環境:
之前佢將開o係商場o既門封o左,改為得一邊門,方便擺o野,呢日o黎攞月餅,店舖被月餅用o左好多位,加上一個凍櫃又擺得好出,令呢o度更加擠迫,直情唔想繼續逗留.
價錢:
呢次只計金腿伍仁月餅.
張貼