爭鮮迴轉壽司 (已結業)

行過發現爭鮮除了外賣店，都有餐廳。大約下午2,3點經過樓梯行上去，見到有吾少人在門口，有幾個人在圍欄排隊，而另一群没排隊的人，店員亦安排佢地入座。我走上前問店員需吾需要排隊架，佢話要。但當我地排隊等位，下一張就到我地果時，有一對情侣無排隊，佢地一嚟到，店員反而安排左佢地入去先!我即刻同另一店員反映問題，但佢無解釋又無講吾好意思。佢只係撳左飛（記錄入座時間）俾我地，同我地講「下一張到你」。雖然當時店都有9成客人，店員都忙碌，但入客安排混亂，好失望，佢地咁樣處理。佢地係平民價壽司店，食物方面就做得好好。入座時，壽司吧師傅次次都有打招乎，而且制服好整齊淨潔，好有朝氣。茶包等用具擺放方便美觀。壽司大小適中，味道ok。特別讚嘅係布甸好好味！芒果味濃，震騰騰，又好滑。我坐在壽司吧，見到師傅整緊火炙三文魚（皮）壽司，佢炙到好靚好香。三文魚皮係厚切嘅，而經炙後，色香味俱全。芝士蛋糕味濃，但略鬆散。