漁屋日本料理 (已結業)

已經幫襯過呢間好幾次，每次都好滿意！雖然訂位要早幾日訂，即日訂通常都冇位，除非9點後都有機會有位（星期五，六，日就一定要早訂）每次黎到一定會叫個剌身！ 不得不讚呢度的剌身！！！蝦身非常肥大，味道鮮甜，三文魚都好正！！另外亦點了八爪魚、墨魚片、榮螺片等，整體來說都幾新鮮。超級滿意！！好多選擇，最中意佢地既焗蠔同金菇牛肉卷！每次都一定order!! 佢地個烏冬煲都好正。好多甜品選擇，每次都食到好飽好飽！有時撞正有人生日，佢地會關燈＋播生日歌。幾有氣氛，不過一播就播幾分中，英文，廣東話，普通話連播幾次，有D太長，如果可以短D就好。有一樣唔好就係佢地成日唔見單！ 要不停吹佢地，好多時明明落佐單，等佐好耐都未有野食，跟住佢地話揾唔到你張單，要你再落過。（但你都唔記得自己之前落佐d乜）。但總體黎講，都好滿意，野食好好食。D位唔算太迫。