更多
2014-09-05
5259 瀏覽
地方裝修簡潔，座位及檯面較為狹窄，但我不太介意因為，以此價錢計好難兩全其美(又坐得寬敞靚裝修，又要好食，相信要去酒店俾成$4xx至$5xx)所以我著眼點放响其他地方既，但...坐底先寫左幾張單交俾侍應，跟住懷住期待既心情一邊等待食物一邊再點其他食物，很快侍應便拿來飲品俾我地，我果時心想這店既效率都幾高喎，殊不知..錯晒，凡事不能太早下定論，大約過左10分鐘第一樣食品先到係一盤刺身，我再心想刺身有需要整咁耐咩? 但都唔緊要，應該是太多單，所以出得慢D都正常，當時我說服自己...同埋值得一讚既係個盤好靚，大檯點得多刺身仲用架刺身船出tim，再加埋乾冰做埋視覺效果，証明真係有花D心思去諗，呢樣要俾like，刺身亦都新鮮，不錯。但跟住令人匪夷所思既事情開始發生，刺身上完之後果半個鐘一樣野都無黎過，眼望住隔離左右檯檯都有野食我地無得食，心情即時跌落谷底，需知食野都好講心情，心情好食咩都好食D，心情唔好食龍肉都無味啦我又唔想再寫過另一張單，怕佢响我落完之後又黎返之前果張單咁咪食兩份，咪問侍應我點左果幾張單係咪漏左單? 佢話幫我睇睇，我又等左陣，佢行黎行去幾轉都無返黎話我知究竟我張單係漏左定未出..
坐底先寫左幾張單交俾侍應，跟住懷住期待既心情一邊等待食物一邊再點其他食物，很快侍應便拿來飲品俾我地，我果時心想這店既效率都幾高喎，殊不知..錯晒，凡事不能太早下定論，大約過左10分鐘第一樣食品先到係一盤刺身，我再心想刺身有需要整咁耐咩? 但都唔緊要，應該是太多單，所以出得慢D都正常，當時我說服自己...同埋值得一讚既係個盤好靚，大檯點得多刺身仲用架刺身船出tim，再加埋乾冰做埋視覺效果，証明真係有花D心思去諗，呢樣要俾like，刺身亦都新鮮，不錯。
但跟住令人匪夷所思既事情開始發生，刺身上完之後果半個鐘一樣野都無黎過，眼望住隔離左右檯檯都有野食我地無得食，心情即時跌落谷底，需知食野都好講心情，心情好食咩都好食D，心情唔好食龍肉都無味啦我又唔想再寫過另一張單，怕佢响我落完之後又黎返之前果張單咁咪食兩份，咪問侍應我點左果幾張單係咪漏左單? 佢話幫我睇睇，我又等左陣，佢行黎行去幾轉都無返黎話我知究竟我張單係漏左定未出...咁我落多次單好定唔落???
其實又唔係幾千呎地方，D單直達廚房，點會漏單? 幾張單消失左?我後來先明白點解...
出得慢都尚可以理解話太多單，但係直頭消失左就真係匪夷所思，其實如果真係好有系統咁交D單入去先落單既就做先，次序就唔會亂成一團，我見到隔離左右都有錯單既情況，始終食放題點咁多張單個客有時自己都唔係好記得exactly自己叫左D咩，有時黎錯左都照收咁原本叫果碟野張檯就會變左漏單，所以除左入單，出貨果下原來都好緊要。
我都係因為有碟野黎錯我度我先恍然大悟，我見黎碟串燒我又真係有點串燒只係D數量唔係咁啱，我以為廚房搞錯左我個數量啫咪照食囉，點知之後又黎多碟我先明之前果碟唔係我果檯既...我仲聽到隔離檯果個人仲都話燒菠蘿重復黎左3次...其實侍應放底果時留意下個客反應都知送錯左啦放底頭也不回...
後來剩餘時間唔多，惟有匆匆食埋黎左既野，食物其實整體黎講唔算差
1. 牛舌唔錯, 夠"林"惹味
2. 可惜串燒大部份唔夠熱
3. 壽司大致幾好，但和牛太油唔夠牛味
4. 天婦羅油淋淋，明顯技術不足，用炸爐果個人可能以前响街邊小食檔炸雞脾同三寶，簡單侮辱天婦羅呢3隻字...
5. 烏冬唔錯，彈牙的，豬軟骨like夠晒軟同入味
由於之前漏單既關係，所有野迫晒响後來果45分鐘食，食野其實係一種享受，仲要我俾成$200，食得咁急我不如去食麥記?
我連想encore既時間都無，好無奈...
最後點多個生果盤，呢個都抵讚，始終好少地方有生果盤叫，仲要有冰鋪底，挽回些少分數
甜品選擇略為少左D同行貨左D，相信叫人交貨黎交D小蛋糕、布甸、糖水等應該成本唔會太高，始終甜品都係一餐既完美終結，甜品做得好都可以加好多分。
總結：食物有部份幾好亦有部份唔好，以這價錢來講都算可以，但漏單及送錯單情況嚴重，如果再唔改善，必然成為趕客頭號殺手，以我自己來說我都會俾多一次機會，下次黎多次，如果情況依然必定blacklist同埋講俾身邊朋友聽。
張貼