更多
2016-03-05
1095 瀏覽
區外朋友成日問我荃灣係咪有間米線好出名，我自己唔好米線，但我估佢哋指呢間。若干年前食過，無咩記憶點，亦唔係心水餐廳。今日朋友特意入荃灣同我見見面，仲指定要食米線。原來佢大學時代成日食，當時廿幾蚊，時不時會懷念吓。週六八點多，有成廿人排隊，條龍好得好慢，有位姐姐會過嚟遂一為排隊嘅人落單，見前面啲熟客都好純熟地點菜，我呢啲生客即刻緊張起來，似去咗澳牛嘅感覺，當時我企嘅距離根本遠到睇唔到貼喺門口嘅餐牌，姐姐見我一陣慌亂，叫我點炸醬+腩肉，最招牌，我一向好尊重侍應推薦，於是就咁決定。朋友原本已點翼尖，聽到姐姐咁講後話想轉炸醬腩肉，姐姐風趣地話:「你朋友咪有炸醬，叫佢share俾你咪得，食多樣餸」好哋坐室外位，一坐低唔夠兩分鐘就上菜，而且咁多客都無亂單。腩肉份量好多，大大片，似日式叉燒，瘦肉中間有肥筋連著。整碗份量好大，好飽肚。朋友點嘅中辛，佢請我食咗兩隻翼尖，好冧個鹵水汁好入味，連啲骨都有味，推介。
若干年前食過，無咩記憶點，亦唔係心水餐廳。今日朋友特意入荃灣同我見見面，仲指定要食米線。原來佢大學時代成日食，當時廿幾蚊，時不時會懷念吓。
週六八點多，有成廿人排隊，條龍好得好慢，有位姐姐會過嚟遂一為排隊嘅人落單，見前面啲熟客都好純熟地點菜，我呢啲生客即刻緊張起來，似去咗澳牛嘅感覺，當時我企嘅距離根本遠到睇唔到貼喺門口嘅餐牌，姐姐見我一陣慌亂，叫我點炸醬+腩肉，最招牌，我一向好尊重侍應推薦，於是就咁決定。朋友原本已點翼尖，聽到姐姐咁講後話想轉炸醬腩肉，姐姐風趣地話:「你朋友咪有炸醬，叫佢share俾你咪得，食多樣餸」
好哋坐室外位，一坐低唔夠兩分鐘就上菜，而且咁多客都無亂單。腩肉份量好多，大大片，似日式叉燒，瘦肉中間有肥筋連著。整碗份量好大，好飽肚。
朋友點嘅中辛，佢請我食咗兩隻翼尖，好冧個鹵水汁好入味，連啲骨都有味，推介。
張貼
