唯一雲貴川風味

營業中

休息中

隔一排又要食翻碗酸辣米線刺激一下,每次都會外賣回家舒舒服服慢慢歎~如果係店內食,環境好擠迫,人貼人,坐得好唔舒服。今晚叫咗四餸-少辣:豆卜,蘿蔔,豬肚,雞翼尖合共$54蚊,雖然有點貴,但所有餸份量都很多,唔會偷工減料,好大碗,食唔晒,豆卜索晒湯汁嘅味道,非常正,豆卜又大個,蘿蔔又腍又甜,永遠都唔會食到有渣,豬肚同雞翼尖炆很好入味又腍,唔會爛溶溶,碎濕濕,呢間嘅味道係自己非常鍾意,同時係荃灣區食過係最滿意,要酸味有酸味,要辣味有辣味,要鹹味有鹹味,好複雜,好濃郁,好香,酸菜好好味道,湯底好好飲,唔會涸喉,搶喉,好順口,唔會好似其他米粉舖得個死辣,死酸嗰種。