更多
2017-11-19
240 瀏覽
是咁的~~因為今次有件事要同女朋友仔慶祝，咁呢之前佢又因為同我拍拖搞到冇得同屋企人食元氣 所以今次我就提議一於豪食元氣啦今次黎左呢間相對都近我地收工嘅地方 咁啱原來係高鐵線黎我同傻女都未試過高鐵線嘅元氣 事關除左有火車載食物之外 仲有d款係高鐵線獨有普通店係冇 所以今次都好期待雖然係星期四晚 但都唔少人等緊位 我地等左廿幾分鐘就入得喇 店入面用tablet落單 有曬圖片價錢 都好方便 由於肚餓而且咩都想試想食 所以就禁左好多 唔係全部都有影相 等我盡量介紹下啦左下個大大塊嘅叫慢煮牛肉 聽落好似好高級咁咪叫黎試下 牛味係幾重不過都幾鞋 好un 試過就算喇 反而平常元氣店都有嘅牛肋肉壽司就真係好正 香得黎口感好冧 正右邊果舊係珍寶帶子 真係好厚肉而且好鮮甜 呢個真係必叫之選上面嘅榮螺睇落好似同平時其他料理店差唔多 但原來咁諗係錯 呢到嘅榮螺比起其他店 例如放題店 更加彈牙 鮮甜 而且價錢又抵 左上個嘅槍魷魚就比起想像中冇咁鮮甜喇 不過都值得一試嘅右下角嘅赤貝壽司真係超級正 比起上面我大讚嘅榮螺更加鮮甜 而且因為佢好新鮮所以口感係出乎意料咁爽口天婦羅蝦 熱辣辣 即叫即炸 炸野就不嬲都係襯熱食
今次黎左呢間相對都近我地收工嘅地方 咁啱原來係高鐵線黎我同傻女都未試過高鐵線嘅元氣 事關除左有火車載食物之外 仲有d款係高鐵線獨有普通店係冇 所以今次都好期待
雖然係星期四晚 但都唔少人等緊位 我地等左廿幾分鐘就入得喇 店入面用tablet落單 有曬圖片價錢 都好方便 由於肚餓而且咩都想試想食 所以就禁左好多 唔係全部都有影相 等我盡量介紹下啦
左下個大大塊嘅叫慢煮牛肉 聽落好似好高級咁咪叫黎試下 牛味係幾重不過都幾鞋 好un 試過就算喇 反而平常元氣店都有嘅牛肋肉壽司就真係好正 香得黎口感好冧 正右邊果舊係珍寶帶子 真係好厚肉而且好鮮甜 呢個真係必叫之選上面嘅榮螺睇落好似同平時其他料理店差唔多 但原來咁諗係錯 呢到嘅榮螺比起其他店 例如放題店 更加彈牙 鮮甜 而且價錢又抵 左上個嘅槍魷魚就比起想像中冇咁鮮甜喇 不過都值得一試嘅
右下角嘅赤貝壽司真係超級正 比起上面我大讚嘅榮螺更加鮮甜 而且因為佢好新鮮所以口感係出乎意料咁爽口天婦羅蝦 熱辣辣 即叫即炸 炸野就不嬲都係襯熱食一定冇死 所以唔洗多講 梗係正啦
三文魚頭湯用料好足 女朋友仔就最鐘意 魚湯又唔怕多飲嘅 所以佢就叫左兩碗黎飲喇
見menu嘅爙蟹蓋好似好正咁 所以叫一個黎試試 不過就有d失望喇 除左面頭個幾條蟹肉絲 蓋入面食唔到蟹味 啫係冇蟹黃啦 成個蓋都係d芝士呀等等嘅配料 比較單調
鰻魚壽司 一貫都係咁正 鰻魚又滑又香 配埋甜度適中嘅鰻魚汁 簡直係一絕
下面嘅黑椒燒蠔就比想像中差喇 正常黎講黑椒應該只係用黎吊味 令新鮮嘅蠔味更加出 但係呢款壽司就只有黑椒味 蓋過曬蠔嘅鮮味喇
高鐵線都幾好玩 攞完壽司要記得禁制呀
總括黎講 元氣嘅水準一直都有番咁上下 用料新解即叫即整 雖然都會有幾款壽司令人失望 但整體而言水平都係好高難怪我女朋友仔咁鐘意食佢啦
張貼
