八月花 (已搬遷) 新店位置

最近真係成日跟朋友去食好野啦，朋友仔今次又帶咗我去九龍塘八月花食野，我見好多人都話佢地既脆脆BB豬好味道，我決定一定要試下。不過今日可能係星期五既關係D服務真係唔係好得囉脆脆BB豬有少少肥，不過接受到，唔肥又冇咁好食啫，外皮燒得香脆，一D都唔多油。見到格離個幾檯都有叫就知一定要試，不過得四塊真係唔夠食呀。沙律都唔錯蔬菜夠新鮮。薑蔥龍蝦煎米粉，龍蝦大隻，肉質爽口彈牙又容易開，仲有將米粉煎成餅，放在碟底吸收咗D汁令煎餅食落口有D味道唔會好乾。