更多
2011-09-05
529 瀏覽
因為搭車就腳, 與幾個朋友响紅磡國際都會商場食飯. 見到梁山泊門面裝修四正, 又有D日本FEEL, 就入去啦. 當時8點半左右, 但只有3枱客, 1枱日本人, 1枱國內同胞, 1枱情侶. 已經心感不妙, 因為唔係普羅大眾去食. 朋友叫左碗牛肉烏冬, 一上枱我地全部都噩然! 咁細碗既?! 係咪見我朋友細粒又生得可愛, 俾左份兒童餐佢? 都成$70幾蚊O丫. 我即時開玩笑咁同朋友講:' 咁我碗三文魚泡飯咪得個碗仔咁細?' 結果我求仁得仁, 真係黎左一碗人地用黎飲麵豉湯咁大既泡飯. 如果係好食既, 我當豪一豪, 見識見識O丫. 點知仲差過就咁滾水+三文魚粒. 仲有O個大舊芥辣(O係碗飯裡面, 唔係食魚生或壽司用) 都唔知有乜用? 真唔明佢點夠膽收$40幾蚊. 其他人既石頭窩飯, 炸豬排飯就大小正常偏細. 但俾得$7,80蚊, 味道仲差過人地即O個O的. 埋單時我地好有默契地俾到小數點後1個位. 我諗我地唔俾貼士阿老闆都賺得好夠喇.
張貼