更多
2015-06-09
1917 瀏覽
今次係我第一次黎左麟右李,朋友話之前喺旺角果間食叉燒好鬼好味,好想再食多次,咁我就捨命陪君子啦!今次去黃埔店,地方企理,不過就嘈左d啦!但朋友最想食既叉燒,黃埔店竟然係冇既 ... OMG (>﹏<)算啦,冇叉燒就先黎碗雲吞麵啦,嘩...啖湯有大地魚香味,麵質好爽好彈牙,係我中意既質地,呢碗麵,無論湯底,麵質同雲吞都好似我兒時食過既感覺,有童年回憶 (大爆)呢個欖角柚子手抓骨不得了,熱辣辣放喺我面前,我冒住辣爆咀既危險大啖扯d肉出黎,umm...好味,好juicy,d柚子醬係靈魂,燒得好香又甜甜地,我一條友食左3支 (笑)椒絲乳腐通菜,讚...炒得好夠味,唔係小家的俾少少腐乳是但炒,中意啊!我咁重口味一定叫d濃味野啦!本身叫左咸魚滑雞煲,點知落,錯單黎個豆豉雞煲。。完全係失望,冇咸魚都算,d雞仲係雪藏味幾濃既雞,又鞋又唔嫩,失敗 (>﹏<)
張貼