更多
2013-08-09
6512 瀏覽
其實很久很久以前已想一嘗這間和光日本料理, 但記得以往這家料理也頗貴的, 所以一直沒有去品嘗過; 適逢在極其流行的團購中撞見有和光 2小時放題任食都只是$179, 實在好抵食, 所以購買來嘗試一番!預早三星期前預訂了昨晚8:15p.m.那場, 8:15p.m.準時到達和光, 客人都企晒係門口, 約莫等候8-10分鐘左右才入坐, 一坐低就打開晒order紙來點食物,毎張order紙要寫人數、枱號, 每項食物寫上要多少件就可以, 遞咗order紙之後, 食物好快就到! 首先上枱的就是團購放題話送既 7"巨型虎蝦, 每人一隻, 幾有睇頭, 口感都爽及香甜, 過關!接著, 點既食物就陸續而來, 一枱都係~~~ 櫬住燒既期間, 就先食刺身先, 估唔到三文魚幾唔錯, 吞拿魚一般, 鱆紅魚好新鮮,透透地明的,好靚! 鯛魚, 好有鮮魚味, 正! 甜蝦及北寄貝, 好味, 推介! 冇諗過放題都會食到幾高質素既刺身, 驚喜, 讚!燒物都剔咗好多款試試, 一般既魷魚鬚、雞軟骨、腸、雞腿肉等, 味道也一般啦; 雞亦細隻, 冇乜味!羊架都合格啦, 冇蘇味, 係邊位肥膏厚d!扇貝好大隻, 加牛油一齊燒, 味道好正!
預早三星期前預訂了昨晚8:15p.m.那場, 8:15p.m.準時到達和光, 客人都企晒係門口, 約莫等候8-10分鐘左右才入坐, 一坐低就打開晒order紙來點食物,毎張order紙要寫人數、枱號, 每項食物寫上要多少件就可以, 遞咗order紙之後, 食物好快就到!
首先上枱的就是團購放題話送既 7"巨型虎蝦, 每人一隻, 幾有睇頭, 口感都爽及香甜, 過關!
接著, 點既食物就陸續而來, 一枱都係~~~ 櫬住燒既期間, 就先食刺身先, 估唔到三文魚幾唔錯, 吞拿魚一般, 鱆紅魚好新鮮,透透地明的,好靚! 鯛魚, 好有鮮魚味, 正! 甜蝦及北寄貝, 好味, 推介! 冇諗過放題都會食到幾高質素既刺身, 驚喜, 讚!燒物都剔咗好多款試試, 一般既魷魚鬚、雞軟骨、腸、雞腿肉等, 味道也一般啦; 雞亦細隻, 冇乜味!
羊架都合格啦, 冇蘇味, 係邊位肥膏厚d!
扇貝好大隻, 加牛油一齊燒, 味道好正!
相片有錫紙杯載住既燒金菇, 我本人好推介, 應該有牛油溶埋一齊燒, 好好味道!
終於講到今次主角的燒牛肉喇, 開頭都係款款試少少先, 牛肌、牛舌我覺得一般啦! 一口牛、安格斯薄牛扒都幾好味, 薄牛扒既牛味好濃!
我覺得最美味係牛胸腹, 牛味肉質都高水準, 唔好燒太耐,燒到剛熟即食,肉質好腍, 肉汁好味道!
黑豚豬就一般啦!總結係集中食燒牛肉及刺身都抵番晒, 另外放題只包一罐飲品, 有點不足; 及最美中不足就是冇甜品, 如果可以加多兩個雪糕球才結尾, 就非常滿足了!
今次團購日本料理, 都感物超所值的!
題外話/補充資料：
服務態度也不錯!
(以上食評乃用戶個人意見 , 並不代表OpenRice之觀點。)
張貼
