柏斯意大利餐廳 (已結業)

同朋友恭祝食生日飯，我地去左食好浪漫的意大利餐。從外觀睇是一間裝修普通的西餐廳，但裡面就好靚，我鍾意佢地牆壁上掛滿不同的圖畫及相片，好有藝術氣氛，再配上古式枱同椅，形成一個浪漫又溫馨環境，新界區情侶一定可以試一下。我點了個一人餐只是298咋。服務員先上2款麵包1條餅，配橄欖油，醋，牛油食，開一開胃先。前菜是燒青瓜，茄子，黃瓜，配有火箭菜沙律及蕃茄仔，適合食素的人士選擇。大蒜薯仔湯～～面上加了一些炸過切成絲的蒜頭及有蒜香味油，仲有少少黑椒碎，我食到好多薯粉蓉，湯有濃郁薯仔味，是真材實料的。檸檬汁鱸魚~~鱸魚肉質滑又鮮甜，煎香外魚皮，配上檸檬汁食，把魚鮮味帶了出來，配菜有燒黃瓜，茄子，青瓜。仲有每日又廚師新自制做的黑松露薯蓉，非常美味。薯蓉又滑又正，不是用粉攪出來的。朱古力慕絲～～香濃朱古力味甜甜地加了少少士多啤梨醬好好食，我加了杯即磨咖啡，與甜品一齊食一流。