仙桃源 (已結業)

仙桃x的分店在好幾年前興起珍珠奶茶嘅時代可話幾步一間，全部都叫仙xx，多到都分唔開邊間打邊間。而加興拉麵，韓食咁，台灣野越黎越少，某日發現呢間仙桃源，即刻要黎食下，懷念下以前爭坐搖搖椅嘅日子，哈哈，其實唔好坐，不過幾得意咁啦。鹵肉麵，用的係扁粗麵，口感不俗，肉鹵得入味，肥瘦肉入口甘香，醬汁剛好伴麵食。肉躁茄子食，肉躁汁好味，茄子像炸過般，有點油，入口相當燙口，要小心食。用嘅係珍珠米，好綿撈汁好味。炸雞軟骨配咖哩汁，炸雞ok，好脆但比較油，咖哩汁十分稀，亦無乜味，下次揀第二種汁。珍珠奶茶，好甜，好飲。木瓜珍珠，無乜木瓜味，同樣好甜，都ok嘅，好似嘅樣跟餐價加三蚊。