更多
2017-07-26
216 瀏覽
筲箕灣係我最愛去覓食既地方，今次同事話帶我去佢屋企附近，最多街坊幫趁既餐廳食煲仔飯。原來係天悅廣場隔離既橫巷裏面。7點去到已有幾枱客人，坐低後同事先落單煲仔飯，再點涼拌貢菜、冰鎮梅子骨、豆豉鯪魚油麥菜。涼拌貢菜（15元）聽聞之前係進貢皇帝食用，故取名頁菜。食落爽脆，帶少少麻辣，加入薄薄的豆乾，爽脆加軟滑口感好特別！好味！豆豉鯪魚油麥菜（65元）油麥菜好鮮嫰、惹味冰鎮梅子骨（98元）用玻璃盆裝著一半冰，上面是冒著熱氣的梅子骨。先嚐一啖，入口酸酸甜甜既話梅味道，外面脆口，保留肉汁。其實好欣賞廚師的心思，令我食到三種口感的梅子骨。開始係食到熱辣辣香脆！等一下食係一半熱一半凍，個感覺真係好特別！食到最後梅子骨完全冰凍，吸收曬醬汁嘅精華，味道更加突出。我更喜歡最後冰凍嘅梅子骨啊！😋😋😋臘味蝦乾煲仔飯（80元）期待已久的煲仔飯上檯了，開蓋淋上豉油，再蓋上等幾分鐘。終於可以食飯啦！一打開蓋，香味四溢！原來師傅將臘腸、潤腸同冬菇切粒，唔似一般只係簡單成條臘腸上，女仔一定鐘意！飯軟硬適中，粒粒分明，有少量飯焦，撈勻臘味蝦乾一齊食，好味！下次會再去！想食好味煲仔飯唔使去油麻地啦！
原來係天悅廣場隔離既橫巷裏面。
7點去到已有幾枱客人，坐低後同事先落單煲仔飯，再點涼拌貢菜、冰鎮梅子骨、豆豉鯪魚油麥菜。
涼拌貢菜（15元）
聽聞之前係進貢皇帝食用，故取名頁菜。
食落爽脆，帶少少麻辣，加入薄薄的豆乾，爽脆加軟滑口感好特別！好味！
豆豉鯪魚油麥菜（65元）油麥菜好鮮嫰、惹味
冰鎮梅子骨（98元）用玻璃盆裝著一半冰，上面是冒著熱氣的梅子骨。
先嚐一啖，入口酸酸甜甜既話梅味道，外面脆口，保留肉汁。
其實好欣賞廚師的心思，令我食到三種口感的梅子骨。開始係食到熱辣辣香脆！
等一下食係一半熱一半凍，個感覺真係好特別！
食到最後梅子骨完全冰凍，吸收曬醬汁嘅精華，味道更加突出。我更喜歡最後冰凍嘅梅子骨啊！😋😋😋
臘味蝦乾煲仔飯（80元）期待已久的煲仔飯上檯了，開蓋淋上豉油，再蓋上等幾分鐘。
終於可以食飯啦！一打開蓋，香味四溢！
原來師傅將臘腸、潤腸同冬菇切粒，唔似一般只係簡單成條臘腸上，女仔一定鐘意！
飯軟硬適中，粒粒分明，有少量飯焦，撈勻臘味蝦乾一齊食，好味！
下次會再去！想食好味煲仔飯唔使去油麻地啦！
張貼
