更多
2016-04-19
6447 瀏覽
今日表姪女百日宴，被邀請到佐敦童軍總會既金陶軒。如果係坐輪椅嘅，除咗可以係佐敦地鐵站出，仲可以喺尖沙咀站經iSquare出口，穿過柏麗大道轉左入九龍公園入口方向，就會去到。原先以為會食一啲正常酒席，點知表哥既安排非常有驚喜，菜單上邊都有幾個得奬菜式。因為唔係每一碟餸都影相，所以只係介紹幾款。唔記得講，依間餐廳採取會員制，唔係會員應該食唔到？（我唔肯定） 麗影紅紗卷。睇個名真係唔知咩嚟，到上菜見到實物嗰一刻，都係唔知咩嚟。經過耐心既侍應介紹，外面嗰層炸既野（應該係米粉）包住左一塊牛肉，再將個醬放入中間空心個位，仲可以放入口啦。外面嗰層炸嘅嘢，非常鬆脆。入面塊牛肉雖然有啲煙韌，但係鬆脆既外層相映成趣，加埋特別調製嘅醬汁，都算唔錯。 紫袍羅漢燴龍皇。依一味餸，總共分為三部份。第一部份，係一塊米通陪一件蝦球，伴以帶微辣既燒汁。第二部份，係原隻大蝦，比一塊非常薄身既茄子包住蝦身，伴以帶咸既燒汁。第三部份，係一塊日式紫菜卷，伴以帶甜既燒汁。三個部份，各自都十分好食，味道都幾有層次。但係整體嚟講，好似三碟餸放埋一齊。 糖醋一字骨。三碟得奬菜式，依一味最好食。首先擺設都非常靚，好似一
如果係坐輪椅嘅，除咗可以係佐敦地鐵站出，仲可以喺尖沙咀站經iSquare出口，穿過柏麗大道轉左入九龍公園入口方向，就會去到。
原先以為會食一啲正常酒席，點知表哥既安排非常有驚喜，菜單上邊都有幾個得奬菜式。因為唔係每一碟餸都影相，所以只係介紹幾款。唔記得講，依間餐廳採取會員制，唔係會員應該食唔到？（我唔肯定）
麗影紅紗卷。
睇個名真係唔知咩嚟，到上菜見到實物嗰一刻，都係唔知咩嚟。經過耐心既侍應介紹，外面嗰層炸既野（應該係米粉）包住左一塊牛肉，再將個醬放入中間空心個位，仲可以放入口啦。
外面嗰層炸嘅嘢，非常鬆脆。入面塊牛肉雖然有啲煙韌，但係鬆脆既外層相映成趣，加埋特別調製嘅醬汁，都算唔錯。
紫袍羅漢燴龍皇。
依一味餸，總共分為三部份。
第一部份，係一塊米通陪一件蝦球，伴以帶微辣既燒汁。
第二部份，係原隻大蝦，比一塊非常薄身既茄子包住蝦身，伴以帶咸既燒汁。
第三部份，係一塊日式紫菜卷，伴以帶甜既燒汁。
三個部份，各自都十分好食，味道都幾有層次。但係整體嚟講，好似三碟餸放埋一齊。
糖醋一字骨。
三碟得奬菜式，依一味最好食。首先擺設都非常靚，好似一座宏偉建築物。香味聞落去有啲帶酸，但係咬落去，有好香嘅蜜糖味，酸酸甜甜，肉身嘅表面仲有啲脆口。
脆皮椰子雞。
依一碟我就冇影相，簡單來講就係炸子雞，肉同肉中間有啲椰子醬。我其實覺得兩者非常之唔夾，食咗一件就停手。
張貼
