更多
2016-08-20
2188 瀏覽
「試下我地啲得獎菜 : 玉龍披金沙，冬林結善緣?」 經理洋洋得意地介紹菜式。「 嘩，乜啲名咁武俠片feel，好似睇緊金庸小說，玉龍雪山，金沙江，天龍八部咩！」「唔同， 嗰個係"金庸"，呢度係"甘鏞"， 此甘非彼金，此鏞非彼庸。」經理神回一句，我O嘴。「咁經理， 來一套"天龍八部"食住先，如何？」「冇問題， 即係叫我先做八個前菜，畀你哋飲下酒慢慢食，收到」。經理果然有料到，服哂！禮雲子粉果， 蟛蜞夠油，粉皮夠薄，味道夠鮮，服哂！懐舊札豬蹄，手功翻幾云， 鹵水煮幾云，好食過西人(啲Ham)，服哂！蜜汁燒雞肝， 燒得靚，夠火喉，好軟熟，冇硬身，服哂！鹵水鵝紅，鏞記鵝紅，獨步天下，點形容呢？就好似牙買加博特跑二百米，衝線前收步再影過selfie，都贏你成條街咁囉，服哂！蝦子柚皮，鹽燒田雞腿，薑蔥豬心蒂， 服哂！( 講得多就噚氣，哈哈)玉龍披金紗出場了， 鮮蝦為玉龍，腐皮為金沙，咁簡單配搭，卻炸出非凡効果，非凡味道，服哂！冬林結善緣又點？ 原來係一大塊冬瓜肉，覆蓋著各類雜齋菜，冬瓜好甜， 齋料新鮮，最重要是嗰片冬瓜肉產生一種仙氣， 猶如置身竹林一般，視覺上清新脱俗，服哂！鵝，唔食燒鵝，食鹵水鵝，
「 嘩，乜啲名咁武俠片feel，好似睇緊金庸小說，玉龍雪山，金沙江，天龍八部咩！」
「唔同， 嗰個係"金庸"，呢度係"甘鏞"， 此甘非彼金，此鏞非彼庸。」經理神回一句，我O嘴。
「咁經理， 來一套"天龍八部"食住先，如何？」
「冇問題， 即係叫我先做八個前菜，畀你哋飲下酒慢慢食，收到」。經理果然有料到，服哂！
禮雲子粉果， 蟛蜞夠油，粉皮夠薄，味道夠鮮，服哂！
懐舊札豬蹄，手功翻幾云， 鹵水煮幾云，好食過西人(啲Ham)，服哂！
蜜汁燒雞肝， 燒得靚，夠火喉，好軟熟，冇硬身，服哂！
鹵水鵝紅，鏞記鵝紅，獨步天下，點形容呢？就好似牙買加博特跑二百米，衝線前收步再影過selfie，都贏你成條街咁囉，服哂！
蝦子柚皮，鹽燒田雞腿，薑蔥豬心蒂， 服哂！( 講得多就噚氣，哈哈)
玉龍披金紗出場了， 鮮蝦為玉龍，腐皮為金沙，咁簡單配搭，卻炸出非凡効果，非凡味道，服哂！
冬林結善緣又點？ 原來係一大塊冬瓜肉，覆蓋著各類雜齋菜，冬瓜好甜， 齋料新鮮，最重要是嗰片冬瓜肉產生一種仙氣， 猶如置身竹林一般，視覺上清新脱俗，服哂！
鵝，唔食燒鵝，食鹵水鵝，仲要淨係鵝背肉，連埋鵝肝，鵝腎，鹵水蛋一齊食，都係咁好味，服哂！
鏞記除咗廚房功夫了得， 連經理的功夫都係咁了得，話說上星期有一醉酒漢，從鏞記廚房拿了一把菜刀，衝左去蘭桂坊和差佬對峙。 最後， 鏞記湯經理和警員合力制服他，湯經理安全取回菜刀，冇人受傷。 湯經理有勇有謀，機智過人，仲食過夜粥， 經此一役，他已被上上下下同事封為男神，服未？
鏞記，我服哂！😉😉👍👍
張貼
