雲興隆小廚 (已搬遷) 新店位置

一出地鐡站,沿住天橋行過去,就係牛頭角下村,德福就去得多,相反去牛頭角下村都係第一次,今次除左尋找美食之外,也可以拍下牛頭角的歷史.下午茶餐,先叫XO醬豬扒炒出前一丁+一杯凍奶茶,叫凍飲竟然唔洗加錢,冷熱同價,抵讚~~~凍奶茶香濃,奶跟茶分量剛好,照常大杯.豬扒炒出前一丁,香噴噴,熱呼呼~~~出前一丁爽口,炒到好乾身,加上XO醬既辣味,非常香口好野味,豬扒有好多件,沒有使用鬆肉粉,肉質不會太實,反而比較實在.充滿力量之後,就開始攝影之旅.