薔紅

營業中

休息中

黎得茶記、預左啲哥哥姐姐呼呼喝喝，大大聲叫，咁先有氣氛！午餐價格屬正常，但下午茶係超級平、由19蚊起跳；幾十蚊就有大大份扒据，非常抵食。午餐係好繁忙的時段，但我落完單5分鐘內葡汁焗雞皇飯都即刻送到，唔洗我等好耐。溫度適中的飯上面有一粒粒的雜豆，而且仲有好多芝士喺面，食落幾creamy但有豆類中和返味覺。一「不」落去~嘩厲利過厲利哥呀，係炒飯底黎架！其他地方啲焗飯好多時都冇炒飯底、因為製作時間會好耐同煩。就算希某怏餐店有炒飯底的焗飯都會焗得太乾。蔷紅的飯底掌握得好好，夠moist!呢個豬扒包配意粉下午茶真係好得，我周不時都會想返去食！包包外皮不硬，好脆口，入面塊扒煎得有油香，肉質亦唔錯唔會俾醬料搶曬味。By using 千島醬instead of 普通沙律醬，酸酸地仲引起人食慾。個意炒先勁，係我食過最好食的意粉。有我最like的粟米粒，個醬甜甜的，好味過死咸牛肉多多聲。可惜 ，杯紅豆冰唔係好得，太甜冇奶香。另外啲紅豆夠曬，但係好多都好硬，可能唔新鮮啦…加左兩次水落去都好甜呀。