更多
2016-08-21
17344 瀏覽
傳說中既旋轉餐廳呀!!! 自問平衡力都OK既小編行第一round出去影相時,都暈左一下,撞左埋檯, 加上佢轉得唔係好順, 所以要去食既朋友要小心嘞!! (如果要窗口位, 記得要早D訂位, 小編係早左個幾月訂位ga!!)******************自助餐區分兩層, 下層會跟住轉, 上層唔轉。第一眼見到燒味, 乳豬好脆, 燒鵝唔鞋, 叉燒就一般, 都係唔算脆; 仲有點心, 但大胃聯盟淨係食左蝦餃, 皮薄但餡偏多油。同區仲有鮑魚海參花膠, 不過製作需時, 同手快有手慢冇。雖然係搶手貨, 但其實就唔算十分特別, 可能因為時間關係, 花膠煮唔夠透, 個汁冇想像中咁濃。******************海鮮真係失望, 第一, 選擇唔多; 第二, 生蠔唔creamy...今次係大胃聯盟食得最少生蠔既一次:兩個人食得3隻。不過有新鮮龍蝦, 熟蝦又已經去殼, 都OK啦。*****************平時食buffet通常都唔會食刺身/壽司, 但自助山既壽司賣相真係幾吸引, 而且帶子刺身幾大粒, 所以大胃聯盟都食左兩轉。****************** 另外要介紹一下黑松露炒蛋, 唔同平
******************
自助餐區分兩層, 下層會跟住轉, 上層唔轉。第一眼見到燒味, 乳豬好脆, 燒鵝唔鞋, 叉燒就一般, 都係唔算脆; 仲有點心, 但大胃聯盟淨係食左蝦餃, 皮薄但餡偏多油。同區仲有鮑魚海參花膠, 不過製作需時, 同手快有手慢冇。雖然係搶手貨, 但其實就唔算十分特別, 可能因為時間關係, 花膠煮唔夠透, 個汁冇想像中咁濃。
******************
海鮮真係失望, 第一, 選擇唔多; 第二, 生蠔唔creamy...今次係大胃聯盟食得最少生蠔既一次:兩個人食得3隻。不過有新鮮龍蝦, 熟蝦又已經去殼, 都OK啦。
*****************
平時食buffet通常都唔會食刺身/壽司, 但自助山既壽司賣相真係幾吸引, 而且帶子刺身幾大粒, 所以大胃聯盟都食左兩轉。
******************
另外要介紹一下黑松露炒蛋, 唔同平時餐廳用松露醬, 自助山係用黑松露一片片响蛋上面, 口感幾特別, 一定要試下。另外有燒羊架、燒帶子、燒芝士年糕、天婦羅等等响另外一個area, 同場仲有值得一推既冬陰公, 唔會好似坊間一D餐廳咁整得太鹹, 佢好香而且調味恰到好處。
******************
甜品方面, 比較特別有炒雪糕, 窩夫好脆好香, 仲有一個咖啡奶凍好香滑, 喜歡咖啡既要試下嘞!!
******************
自助山食物款式真係好多, 而且有靚環境, 服務仲好好 (除左果晚負責出鮑魚海參花膠個後生仔躁底外), 係值得推介試下既~~(不過你問小編會唔會去多次, 小編會話, 一次就夠了)
消費: $1536 / 2 adults (已加一)
優惠: /
張貼