更多
2016-08-08
9592 瀏覽
男友生日，到自助山慶祝，個半月前訂位，還是訂唔到窗口位，坐窗口位隔離枱，都近玻璃嘅，都望到外景。好食，景又正，開心！👯食沙律先，沙律間間咁上下，無特別。鵝肝無啦，有即食鵝肝罐頭，ok嘅。泰式甜酸汁蝦，本身蝦係白烚，爽口，點汁，一般。魚生如三文魚、生蝦都可以，新鮮，唔差。再來面包蟹，唔錯，鮮甜多肉。龍蝦，多肉有膏，唔錯，帶子一般啦，長腳蟹都ok，其他凍海鮮仲有、螺、青口，不過我無攞。冬陰公湯值得一讚！估唔到酒店出品真係唔差，可能請咗泰國人主理，因為都見到有幾個外地人喺度。羊架又係唔錯，仲有燒帶子，呢隻大帆立貝，大隻好多！海蔘冬菇鮑魚花膠-堅正啊，入味又足料，我食咗兩客，不過喺燒鵝間房，有出爐時間，要注意！再來最愛生蠔，一蠔走天涯，係New Zealand Rock，細細隻，但好鮮甜！我食咗一打，後悔無食多啲😋！牛就一般，有啲鞋，唔知係咪我攞到呢舊唔好位，肥膏多，我食咗一啖就算。黑松露炒蛋係男朋友攞，黑松露唔係太濃，雖然大片，不過唔夠香，係靚松露。Last係甜品，一個字讚！好耐無食過酒店自助餐甜品咁好味，仲勁有驚喜！✨蛋形盛器係焦糖布甸，不過係焦糖榴蓮布甸，超好味啊😋😋😋！仲有木槺布甸都好
男友生日，到自助山慶祝，個半月前訂位，還是訂唔到窗口位，坐窗口位隔離枱，都近玻璃嘅，都望到外景。好食，景又正，開心！👯食沙律先，沙律間間咁上下，無特別。鵝肝無啦，有即食鵝肝罐頭，ok嘅。
泰式甜酸汁蝦，本身蝦係白烚，爽口，點汁，一般。魚生如三文魚、生蝦都可以，新鮮，唔差。
再來面包蟹，唔錯，鮮甜多肉。龍蝦，多肉有膏，唔錯，帶子一般啦，長腳蟹都ok，其他凍海鮮仲有、螺、青口，不過我無攞。
冬陰公湯值得一讚！估唔到酒店出品真係唔差，可能請咗泰國人主理，因為都見到有幾個外地人喺度。羊架又係唔錯，仲有燒帶子，呢隻大帆立貝，大隻好多！
海蔘冬菇鮑魚花膠-堅正啊，入味又足料，我食咗兩客，不過喺燒鵝間房，有出爐時間，要注意！
再來最愛生蠔，一蠔走天涯，係New Zealand Rock，細細隻，但好鮮甜！我食咗一打，後悔無食多啲😋！
牛就一般，有啲鞋，唔知係咪我攞到呢舊唔好位，肥膏多，我食咗一啖就算。
黑松露炒蛋係男朋友攞，黑松露唔係太濃，雖然大片，不過唔夠香，係靚松露。Last係甜品，一個字讚！好耐無食過酒店自助餐甜品咁好味，仲勁有驚喜！✨蛋形盛器係焦糖布甸，不過係焦糖榴蓮布甸，超好味啊😋😋😋！仲有木槺布甸都好好食！其他ok la！
再來有炒雪糕，三隻款㨂。我就剩係食雪糕，㨂咗士多啤梨，同榴蓮，係榴蓮啊，第一次酒店自助餐食榴蓮雪糕，好新鮮👍！
再來甜品櫃嘅甜品，每層三四款，有三層，我㨂咗colorful同靚嘅4款，款款都好smooth好食，讚！記住攞玻璃櫃入面呢啲，好好食😋。仲有驚喜，兒時回憶，係捲棉花糖，有部機即用糖捲棉花糖，放支閃閃棒上，好開心☺️✨！總括來講，自助山好值得來，一來，有蠔食buffet已經唔多；第二，甜品真係讚，又特別；第三，凍食海鮮多款；最最最正，係360度環迴景，不停轉，坐喺度就可欣賞到唔同位置景色，由日頭、黃昏到夜景，無敵啊👏！唯一係預訂生日蛋糕，3寸x3寸（今次係芝麻mousse，唔太甜，唔錯）要另外加$50，可以寫字，人頭$800，無折，比起其他自助餐有時信用卡有折，真係貴好多。平日$698加一，無時間限制；星期六、日、公眾假期前夕$668加一，但分2 round：17:45-20:00/20:30-10:00，但咁樣食真係勁趕，食得嘢來邊有時間睇景，所以suggested訂平日食1 round過俾多$30好好多。
張貼
