更多
2015-04-06
16893 瀏覽
同其他人一齊，女友好不容易親自去到先訂到位，訂左今夜，由於是清明節嘅關係，佢哋要揾多啲＄要做多一場，所以由正常時間縮短到得兩個鐘食，可以話全程都食得有啲趕急！佢其中一個唔好就係啲電梯唔可以一直去到62樓，要係轉一次電梯，最衰係入坐時候人客高蜂期，個個都同一個時間去，搞到個個人要去到轉電梯樓層排隊，可能係晚上關係，office 樓層係冇冷氣嘅!所以未食前已經焗到個人暈暈地咁，真係一個唔係咁好嘅開始！裝修算係中規中舉，因為排隊嘅關係，坐低已經冇左成半個鐘，所以一坐就急不及待去拿嘢食！乳豬-個人好嗜乳豬所以要求比較高，佢唔係唔好食，但冇乜可取，仲有啲似燒肉咁！叉燒-有燶邊㨂，肥瘦剛好，好食！燒鵝-揀到燒鵝肶，正！白灼羅氏蝦-我又係好嗜羅氏蝦，但唔知點解佢新鮮放落去灼結果都冇乜味！天婦羅蝦-炸粉開得唔錯煎鵝肝-一啲都唔小家好大塊，配埋多士好好味！燒羊扒-又係好大塊，肉質和味道也不錯！烤和牛-肉質夠淋配埋芝麻醬汁，好食！三文魚生-一般貨色冇特別！生帶子-新鮮好食生蠔-新鮮唔錯，唯一係開蠔嗰個人hea啲，成日整到成碟都係水咁比人，唔係六百幾一餐應得嘅服務！原隻蟹鉗-啖啖肉，但蟹味唔太重！開邊龍蝦-
乳豬-個人好嗜乳豬所以要求比較高，佢唔係唔好食，但冇乜可取，仲有啲似燒肉咁！
叉燒-有燶邊㨂，肥瘦剛好，好食！
燒鵝-揀到燒鵝肶，正！
白灼羅氏蝦-我又係好嗜羅氏蝦，但唔知點解佢新鮮放落去灼結果都冇乜味！
天婦羅蝦-炸粉開得唔錯
煎鵝肝-一啲都唔小家好大塊，配埋多士好好味！
燒羊扒-又係好大塊，肉質和味道也不錯！
烤和牛-肉質夠淋配埋芝麻醬汁，好食！
三文魚生-一般貨色冇特別！
生帶子-新鮮好食
生蠔-新鮮唔錯，唯一係開蠔嗰個人hea啲，成日整到成碟都係水咁比人，唔係六百幾一餐應得嘅服務！
原隻蟹鉗-啖啖肉，但蟹味唔太重！
開邊龍蝦-又係啖啖肉夠豪，但又係冇乜味！
雲吞喇沙-雲吞皮薄包得幾靚，喇沙湯底夠濃郁，大家一定要試下！
沙律-R菜非常新鮮，配埋啲煙肉碎好食！
龍蝦湯-味道係苦嘅！
炒雪糕-份量比較少，士多啤梨味比較好食！
烤蛋白餅-最好食嘅甜品，餅夠香蛋白烤得好靚！
辣味慕斯餅-第一食辣味嘅甜美，吉士醬配辣椒粉，估唔到幾好食！推介！
泡芙-水準以下！
棉花糖-係響你面前現製嘅，佢比你嗰支棒係有閃燈，令到成個棉花糖好似會發光變色咁，係依個自助餐嘅一大賣點，個個都係咁影相，好開心咁！
總括嚟講有好有唔好，但依個價錢論環境論人客質素論食物質素，有更多其他選擇！
張貼
