更多
2011-09-16
51 瀏覽
經朋友介紹灣仔開左間好嘢食燒烤，橫掂想同家人做節試新嘢，膽粗粗一行六人決定會一會佢。地步都算易搵，就係福臨門對面有啲排當嘅行中，路口同門口都有易拉架指示，尚算清楚。鋪面就奇怪啲，經老細解釋原來日間係茶記，晚上19：30後才轉做燒烤及特色菜，座位尚算寬敞。老細介紹除燒烤外，原來仲有睡蟹、生蠔等好嘢，橫掂做節就由老細幫我哋發板，先黎半打生蠔開開胃先（3隻$88），生蠔即開即食，鮮甜美味，原本想encore,老細攪笑地話仲有大把好嘢，唔好side晒啲戰鬥力。轉個身就拎左隻三個拳頭咁大隻嘅物體上枱，原來隻嘢叫＂睡蟹＂（$220），嘩肉味鮮甜多肉，最正嘅就係超多膏，甘香到爆燈。與此同時，因本人是食肉獸的關係，肉類就由我發板，先黎三串美國安格斯小排（串$48），再要三串厚燒牛舌（串$38），再整多三串孜然雞中翼（串$14）。老媽子鍾意海鮮，就要左六隻大虎蝦（隻$68），燒多六隻生蠔添（3隻$88）。老婆鍾意食菜，先黎四串汁燒雞比菇（串$10），要多三串孜然燒粟米（串$18）。寶貝女鍾意香口嘢，就叫左二串鹽燒雞軟骨（串$10），我再補飛叫多三件盬燒羊鞍（件$58）。因為即叫即燒需時，所以所有串燒都係
地步都算易搵，就係福臨門對面有啲排當嘅行中，路口同門口都有易拉架指示，尚算清楚。
鋪面就奇怪啲，經老細解釋原來日間係茶記，晚上19：30後才轉做燒烤及特色菜，座位尚算寬敞。
老細介紹除燒烤外，原來仲有睡蟹、生蠔等好嘢，橫掂做節就由老細幫我哋發板，先黎半打生蠔開開胃先（3隻$88），生蠔即開即食，鮮甜美味，原本想encore,老細攪笑地話仲有大把好嘢，唔好side晒啲戰鬥力。
轉個身就拎左隻三個拳頭咁大隻嘅物體上枱，原來隻嘢叫＂睡蟹＂（$220），嘩肉味鮮甜多肉，最正嘅就係超多膏，甘香到爆燈。
與此同時，因本人是食肉獸的關係，肉類就由我發板，先黎三串美國安格斯小排（串$48），再要三串厚燒牛舌（串$38），再整多三串孜然雞中翼（串$14）。
老媽子鍾意海鮮，就要左六隻大虎蝦（隻$68），燒多六隻生蠔添（3隻$88）。
老婆鍾意食菜，先黎四串汁燒雞比菇（串$10），要多三串孜然燒粟米（串$18）。
寶貝女鍾意香口嘢，就叫左二串鹽燒雞軟骨（串$10），我再補飛叫多三件盬燒羊鞍（件$58）。
因為即叫即燒需時，所以所有串燒都係熱辣辣，以及要等嘅，所以有隻睡蟹玩吓真不失為一個好選擇。
大約五分鐘後陸陸續續都有串燒上枱，次序真係唔記得又冇留意啦，不過味道就深深留係腦內。
牛小排外脆內嫩，油香四溢，正！
厚燒牛舌肉厚肥美，毫無肉渣，正！
雞中翼辛辣香脆，嫌較細隻，都ok!
雞軟骨有微微焦味，外脆內軟，正！
燒羊鞍不得了！焦香味美，香騷肉嫩，超正！
燒生蠔及大虎蝦香噴噴，啖啖肉，正！
汁燒雞比菇及燒粟米超有誠意，尤其條粟米真係出面未食過咁好味，好特別！
之後老細仲醒多六隻帆立貝比我哋話賀中秋，超大方。
總括全餐食物都非常滿意，肚飽飽地離開。這個中秋真快樂！
(攞左份menu返屋企hehe,下次去再試其他好嘢）
張貼