更多
2012-08-28
60 瀏覽
早前o係飲食男女app買左兩張團購電子劵$10買蒜蓉燒XXXL珍寶帆立貝，原價要$78。今日終於就到時間過一過海，順便去埋銅鑼灣新開嘅o既希慎廣場。梁山地址係灣仔駱克道，但實際位置係近銅鑼灣地鐵站多 d，o係時代廣場出口，行過鵝頸橋去到好出名o既橋底辣蟹店駱克道分店隔離，一定快過我地呢日o係灣仔A1出口行@@＂行左成三個字先到.... 黎到梁山門口，感覺好似古裝電視劇 d 茶寮咁，都有少少似搭緊棚，店內同樣係有中國復古風，幾有趣, 例如有幅＂武松打虎蝦 " o既畫作 xd座位都唔少 , 大多係四大枱 , 可以拆開做兩人或者拍埋做六至八人 , 靈活度高 , 環境氣氛都唔錯, 約班朋友黎食下野飲下清酒咁都幾好 ~梁山下單係用點心紙形式，分門別類為：梁山好漢推介，飽肚類（飯面烏冬），梁山串燒，梁山燒烤，另外仲會有d 是日精選，寫左出黎黑板而menu 係無o既，初黎報到，每個 column 都有揀，點好菜後店員遞來兩碟調味醬汁，睇起黎似係沙爹醬同檸檬汁，試味後前者係甜甜地似芝麻味多過沙爹味，後者入口同樣係甜，帶少許酸辣。大約十分鐘後，食物陸續送上：1.燒海鹽牛脷~ 一串三片，厚薄適中，爽口彈牙
$10買蒜蓉燒XXXL珍寶帆立貝，原價要$78。
今日終於就到時間過一過海，順便去埋銅鑼灣新開嘅o既希慎廣場。
梁山地址係灣仔駱克道，但實際位置係近銅鑼灣地鐵站多 d，
o係時代廣場出口，行過鵝頸橋去到好出名o既橋底辣蟹店駱克道分店隔離，
一定快過我地呢日o係灣仔A1出口行@@＂行左成三個字先到....
黎到梁山門口，感覺好似古裝電視劇 d 茶寮咁，都有少少似搭緊棚，
店內同樣係有中國復古風，幾有趣, 例如有幅＂武松打虎蝦 " o既畫作 xd
座位都唔少 , 大多係四大枱 , 可以拆開做兩人或者拍埋做六至八人 ,
靈活度高 , 環境氣氛都唔錯, 約班朋友黎食下野飲下清酒咁都幾好 ~
梁山下單係用點心紙形式，分門別類為：梁山好漢推介，飽肚類（飯面烏冬），梁山串燒，梁山燒烤，
另外仲會有d 是日精選，寫左出黎黑板而menu 係無o既，
初黎報到，每個 column 都有揀，點好菜後店員遞來兩碟調味醬汁，
睇起黎似係沙爹醬同檸檬汁，試味後前者係甜甜地似芝麻味多過沙爹味，
後者入口同樣係甜，帶少許酸辣。大約十分鐘後，食物陸續送上：
1.燒海鹽牛脷
~ 一串三片，厚薄適中，爽口彈牙，肉汁豐潤，
有輕輕o既鹽味，正好帶出牛脷嘅香濃味美
2.燒黑椒蜜糖腸
~ 一串四條，少許脆皮，但無燒到裂開或過乾o既情況，
味道似黑椒味台式腸，油份猶存在腸心內，不合本人口味
3. 燒鵝肝潤腸~ $25 一條潤腸為此店招牌菜之一，燒得香口之餘潤腸o既濃烈味道同是吸引之處，
鵝肝味反而不是突出，同潤腸味重疊左，每片潤腸睇落都無乜肥粒，
但入口總係油脂飽溢，幸好每人三數片 , 淡嘗其美 , 未見過膩 ~
4.燒雞皮~ 份量少，唔夠脆，無乜味，可以不試
5. 燒芝士鱈魚餅~ 呢個就係寫o係黑板嘅精選小吃，四片小三角，厚度如三片芝士疊起，
$38未免太貴，食落似薄薄嘅魚片夾住塊芝士，
芝士被燒溶，味道更濃，然後食落就係魚片口感o既芝士
6.燒大花甲~ 成隻象拔蚌仔咁大，以蒜蓉牛油燒，香氣撲鼻，花甲新鮮甜美，
燒得剛好熟透，入口軟滑，蒜蓉調味得宜而家唔會太多油，
令海鮮仍然帶有原汁原味，呢個都係燒比蒸更美味o既原因，唔會有倒汗水
7.XXXL 北海珍寶帆立貝~蒜蓉牛油燒，再加上蟹籽，上面再有蔥花，觀感上係因疊得高高所以覺得好厚肉，
大大隻貝殼亦有異曲同工之妙，上枱的確令人嘩然，加左牛油比淨蒜蓉更香更惹味，
帆立貝肉厚但完全唔韌，$10 真係超值！即使係原價 $78 , 都唔算貴 ~
8.黑松露牛油焗什菌~ 什菌包括有日本舞菇 , 金菇同雞肶菇 , 牛油份量唔錯 , 食到尾都唔會成碟油
無菇o既草腥味 , 又無過份出水而致o既淡味 , 輕輕o既黑松露香 ,
加上白芝嘛同蔥花 , 比起一般牛油金菇更加深得我心 ~
9. 蒜蓉燒龍蝦~ 晚上 6-10 消費滿 $ 150 可以用 $ 48 激殺價叫一邊 , 心想即管試試 ,
$48 , 應該會係波士頓龍蝦咁o既 Size , 點知上枱時真係令我地呆左 ....
半邊龍蝦拉直由頭至尾足足有我隻前臂咁長 , 同樣係蒜蓉蔥花鋪面 ,
老實講幾種燒海鮮o既調味都係大同小異 , 但係真係樣樣都有其美味之處
龍蝦肉鮮味爽口不在話下 , 燒o既熟度洽到好處 , 鎖住大量肉汁 ,
用刀叉將龍蝦肉拆出 , 一人一半都仲有好大舊肉食 , 淡淡彈牙味美 ,
龍蝦殼燒到脆卜卜但無黑蚊蚊 , 咁大隻龍蝦要燒得咁靚 ,
o係拿捏火喉方面一定係好考究 , 難怪要等左接近一個鐘 ~
10. 梁山冷一丁~ 就好似一般o既冷烏冬 , 用上日式芝麻沙律汁 ,
配料為蟹柳 , 火腿絲 , 青瓜絲 , 生菜 , 車厘茄 , 同熟蝦
只係拾烏冬取一丁 , 食落好似唔止一個丁 , 好大碟 ,
味道正常 , 一丁軟硬度適中 , 不過唔夠乾身 , 沙律汁被溝淡
## 食左十樣野 , $ 301 埋單 , 新張期內無加一 , 真係抵到爛 , 下次黎之前要預訂一隻面包蟹先得 , $ 198 蚊 , 相信都唔會令人失望
初時見到梁山開張o既報導 , 未免會將重點放左o係天佑有份做老闆上
如今親自試過 , 就再一次證明 , 單靠明星效應係無用o既 , 食物質素至緊要 ^^
張貼
