御藏 (已結業)

喺灣仔番工，食餐午飯都唔容易。一係多人到痺，一係就貴，好難搵到一家可以食個快飯。今日喺嗰頭上堂，去春園街嗰邊有一間外賣店。都幾多人，反正公司附近又有地方坐，所以買走食都得。都有幾多款飯揀，有刺身飯又有普通日式便當，凍櫃又有多款壽司！今日我揀左和牛漢堡飯，盛惠65大元包一個飲品。係灣仔區來講，呢個價錢算係正常。普通的飯以40幾蚊為主，都平過好多茶餐廳架。新鮮即叫即造，熱辣辣。和牛漢堡軟熟，大大件又多肉汁，吸哂d照燒醬，好開胃。而且加上忌廉煮蔬菜，好食又有益。仲有一隻蛋，一大盒飯短時間已經清光，好滿足。又搵到一個係灣仔嘅午餐好選擇了，唔使再同人迫啦！