更多
2016-12-28
1220 瀏覽
最近男朋友由銅鑼灣轉咗去灣仔翻工咁廿四孝嘅喂食妹女朋友,梗係繼續接佢收工拍拖食飯啦!今日好想食日本野,行咗入內街,發現咗間上樓嘅日本料理。呢到有百零蚊嘅晚餐套餐,又有散叫嘅壽司同熟食。價錢比較實惠。松 壽司定食定食包括咗空運立魚、中呑拿魚腩、左口魚群邊、赤貝、油甘魚、特大赤海蝦同蔥呑拿魚腩軍艦。另外仲會有明太子雞翼、胡麻沙律同三文魚頭湯。壽司用料好新鮮,有我最中意嘅左口魚邊,入口即溶。油甘魚同中toro厚切魚味濃。赤蝦大大隻,夠哂甜同厚肉。餐配埋嘅明太子雞翼非常出色!小小一隻雞翼烤到金黃皮脆,本身以為同出邊街買嗰啲一樣啦。一咬落口,明太子超級多,仲要有汁熱辣辣!成個口都係濃郁嘅明太子香味,帶小小辣好惹味!軟殼蟹手卷軟殼蟹即炸好脆,份量勁大,同飯嘅比例係一比一。配上多醬,仲有蟹子係面,食落口感好豐富。師傅卷得好好,一直食到落底都仲有軟殼蟹,令到每一啖都咁平均。薄燒牛舌牛舌燒得有火口,薄切一啖一塊岩岩好。牛舌帶韌勁,口感彈牙。經鹽燒後咸香出眾,配上小小檸檬汁更加開胃。特選鮪盛呢個係店員推介,有哂大中toro同普通呑拿魚。店員教我地要由普通→中toro→大toro咁樣食,由淡味到濃味。中to
咁廿四孝嘅喂食妹女朋友,梗係繼續接佢收工拍拖食飯啦!
今日好想食日本野,行咗入內街,發現咗間上樓嘅日本料理。 呢到有百零蚊嘅晚餐套餐,又有散叫嘅 壽司同熟食。
價錢比較實惠。 松 壽司定食
定食包括咗空運立魚、中呑拿魚腩、左口魚群邊、赤貝、油甘魚、特大赤海蝦同蔥呑拿魚腩軍艦。
另外仲會有明太子雞翼、胡麻沙律同三文魚頭湯。
壽司用料好新鮮,有我最中意嘅左口魚邊,入口即溶。
油甘魚同中toro厚切魚味濃。
赤蝦大大隻,夠哂甜同厚肉。 餐配埋嘅明太子雞翼非常出色!
小小一隻雞翼烤到金黃皮脆,本身以為同出邊街買嗰啲一樣啦。
一咬落口,明太子超級多,仲要有汁熱辣辣!
成個口都係濃郁嘅明太子香味,帶小小辣好惹味!
軟殼蟹手卷
軟殼蟹即炸好脆,份量勁大,同飯嘅比例係一比一。
配上多醬,仲有蟹子係面,食落口感好豐富。
師傅卷得好好,一直食到落底都仲有軟殼蟹,令到每一啖都咁平均。
薄燒牛舌
牛舌燒得有火口,薄切一啖一塊岩岩好。
牛舌帶韌勁,口感彈牙。
經鹽燒後咸香出眾,配上小小檸檬汁更加開胃。
特選鮪盛
呢個係店員推介,有哂大中toro同普通呑拿魚。
店員教我地要由普通→中toro→大toro咁樣食,由淡味到濃味。 中toro魚味較濃
而大toro則入口即溶,油脂較多,魚油回甘更重。
真係一試難忘! 好新鮮同高質嘅呑拿魚並唔係咁易食到咖!
牛油果三文魚米紙卷
呢個有啲似食越南嘅米紙卷,米紙煙煙韌韌
配上三文魚同牛油果呢個組合幾新鮮,味道較清新。
日式燉蛋
燉蛋好滑,配料亦多,食落偏甜。
蜜桃生啤
期間限定就試一試,有驚喜!
桃味好自然,唔會過甜同遮咗啤酒嘅味。
比較易入口,女仔一定中意飲!
估唔到樓上日本料理都有唔錯嘅水準,坐得舒服而且價錢合理,一定要再嚟!
張貼