家賀屋刺身寿司專門店 (已搬遷) 新店位置

同朋友行完街要找個地方食個晚飯，於是上網睇下附近有咩野食，見到家賀屋的評語唔錯，又係附近所以就試下。去到大約七點只有有二、三枱客，所以不用等位，但到了七點半己全滿，過多一陣已經有人在等位。玉子燒叫了熱的，普普通通沒什麼特別。大關刺身定食，有刺身、沙侓、蒸蛋、湯烏冬及味噌湯。中吞拿魚腩、油甘魚、帶子和三文魚。魚生都很新鮮，都算得上肥美，除了中中吞拿魚腩油份不算高！味噌湯一點也不求期，有2大片魚肉，也有豆腐和海帶，味道很濃郁。燒牛舌只加了少許鹽調味，味道剛好而且燒得剛剛好！很爽口！之後我們又點了壽司！火炙特大蟹棒很鮮甜；火炙左口魚邊油份很高，有入口即溶既感覺；劍魚腩鮮味好重，甘香鮮甜。海膽及吞拿魚腩。本來想叫特上海膽但沒有，所以叫了普通海膽，但我覺得不夠新鮮、不鮮甜；吞拿魚腩也是一般，新鮮但算不上肥美。