君好餐廳 (已結業)

為咗慶祝好姊妹搵到份好工 ，嚟咗Grill Cafe食dinner，客人不多，可立刻入座，原來我三年前已食過呢間，嗰陣係食石燒半自助餐，依家唔同咗，唔再係自助餐，全部散叫，保留咗石燒，仲加咗生蠔丶三文魚刺身丶串燒、燒春雞等，反而覺得多左好多野揀 。先講頭盤，生蠔有來自不同國家 ，即叫即開，叫咗半打，食得出鮮味 ，三文魚刺身也很新鮮喔 跟住飲咗個推介鮮蠔青口濃湯 ，味道濃郁，好有水準 ，仲有原隻生蠔 ，令整個湯充滿蠔味，超讚！配埋2件蒜茸包，維持水準 。輪到石燒，叫咗推介菜式10安士新西蘭肉眼牛扒 ，只係$198 ，真係超抵，服務員好細心咁教我地點燒，最好將牛扒兩面燒熟後切成一小件再燒，咁樣可加快烹調時間，肉質鮮嫩，好有肉汁，呢個真係必食 。石燒配有沙律和薯茸(忘了影相)，好欣賞個薯茸，味道好好。仲有牛脷串燒$68和帶子串燒$88 ，牛脷兩大串，肉質好腍和好夠味，抵食，帶子串燒也新鮮。還有燒春雞，成隻雞只係$108 ，跟燒汁或黑椒汁，真係超值 。飲咗Hoegaarden，另有Stella Artois，門口仲設有酒櫃，有多款餐酒提供。我地3個人食哂