更多
2013-09-02
754 瀏覽
小弟由老豆既年代 (199X) 開始帶我去食呢間蛇王業... 大大話話都食左有十幾年... 雖不至於食到好熟, 但自問我都食過百次以上... 由 $25 碗, 食到今時今日既 $60 碗, 我都一樣去幫襯, 因為佢地既蛇羹真係好食. 好可惜, 水準越來越差了. 先講蛇羹, 蛇肉少左, 鹹左, 就連本來切到好幼細既檸檬葉, 依家都粗晒, 但薄脆都仲 keep 番水準...蛇湯方面, 真係鹹左好多, 藥材味已經冇之前咁濃, 最大問題係, 我今次幫襯蛇湯, 竟然有1/3 碗係湯渣...龜湯方面, 又反而甜左, 都係果句, 藥材味冇之前咁濃之餘, 連甘味都欠奉... 昨日既經驗話俾我知, 如果第二代揸 fit 人以現代手法經營, 相信只會令貴店失色, 毫無疑問, 你加左冷氣, 換左D膠碗, 整埋D電腦收費, 都係成本, 投資了當然要問回報... 生意係要賺, 但如果連上一代既精神都未能承繼落去, 連食物既質素都不能保持水平, 相信好快會連我呢類 Fans 都唔再幫襯...
蛇湯方面, 真係鹹左好多, 藥材味已經冇之前咁濃, 最大問題係, 我今次幫襯蛇湯, 竟然有1/3 碗係湯渣...
龜湯方面, 又反而甜左, 都係果句, 藥材味冇之前咁濃之餘, 連甘味都欠奉...
昨日既經驗話俾我知, 如果第二代揸 fit 人以現代手法經營, 相信只會令貴店失色, 毫無疑問, 你加左冷氣, 換左D膠碗, 整埋D電腦收費, 都係成本, 投資了當然要問回報... 生意係要賺, 但如果連上一代既精神都未能承繼落去, 連食物既質素都不能保持水平, 相信好快會連我呢類 Fans 都唔再幫襯...
題外話/補充資料：
響深水埗都仍然係最好食既蛇鋪....
(以上食評乃用戶個人意見 , 並不代表OpenRice之觀點。)
張貼