更多
2017-02-09
830 瀏覽
突然間好掛住添好運嘅酥皮焗叉燒包，今日同朋友專登過去食。19:50左右去到，唔使排隊，但見入面都坐得幾滿，呢d就係添好運嘅威力。每樣點心都唔算貴，有咁嘅水準，完全感覺物超所值，相信有去過添好運嘅朋友，都會愛上呢間點心專門店。酥皮焗叉燒包 $20見到幾乎每張枱都有點呢個叉燒包，就知道佢係必點項目，去親添好運一定唔可以錯過。一碟有3個，外層好鬆化，叉燒又夠味。滿足晒味覺嘅享受。晶瑩鮮蝦餃 $28熱辣辣，一睇就知啱啱出爐，相機食完已經急不及待要放入口。蝦嘅口感好脆身，蝦餃皮又真係整到晶瑩剔透，好鍾意食蝦嘅我，一定要推薦呢個。香煎蘿蔔糕 $15有3件，唔會煎得太燶，囗感好soft，配埋辣醬一齊食，特別好味。黃沙豬潤腸 $22腸粉夠滑，豬潤仲keep到有少少爽口，好食。
酥皮焗叉燒包 $20
見到幾乎每張枱都有點呢個叉燒包，就知道佢係必點項目，去親添好運一定唔可以錯過。一碟有3個，外層好鬆化，叉燒又夠味。滿足晒味覺嘅享受。
晶瑩鮮蝦餃 $28
熱辣辣，一睇就知啱啱出爐，相機食完已經急不及待要放入口。蝦嘅口感好脆身，蝦餃皮又真係整到晶瑩剔透，好鍾意食蝦嘅我，一定要推薦呢個。
香煎蘿蔔糕 $15
有3件，唔會煎得太燶，囗感好soft，配埋辣醬一齊食，特別好味。
黃沙豬潤腸 $22
腸粉夠滑，豬潤仲keep到有少少爽口，好食。
張貼
