坤記糕品專家 (已結業)

啱啱系合益泰食完，醒起附近有間坤記糕品，就順便過嚟埋翻幾舊糕當下午茶啦，順便仲可以解決埋呢幾日嘅早餐添~~真係一舉兩得。呢度嘅糕可以論斤稱，又可以一個個賣，一個系7蚊。揀咗一舊白糖糕，好細一舊，食起身味道就係白糖嘅味道，仲有好濃郁嘅經過發酵嘅酸味。馬拉糕好硬！食唔到一半就已經食唔落啦，建議唔好揀呢樣。。芝麻糊糕嘅芝麻味好香，食落去好軟好滑。砵仔糕，細個阿嫲去親街市都會買翻份俾我食，有紅糖、有白糖，紅豆雖然算多，但係糕太甜啦，食到好滯，糕嘅質地太彈牙