更多
2016-03-10
7330 瀏覽
有時候食飯嘅環境真係好重要，特別喺忙碌工作之後應該要好好報答自己享受一下。而早排朋友就幫我搵咗一間食物質素與環境並重嘅餐廳，聽講佢哋自助餐有好多不同海鮮同花膠任食，咁當然要去試一試啦。帝景軒位於帝景酒店，到外面可以同時望到汀九橋同青馬大橋嘅夜景非常吸引。入到去餐廳裝潢時尚，而且樓底亦非常之高唔會有局促嘅感覺。而餐廳亦很有趣地特設以「老香港」為主題嘅戶外坐位，當日更有好幾對情侶爭住影相，玩味十足。之後當然要睇睇自助餐有咩食啦，前菜沙律部份有多款選擇例如：煙鴨胸蜜桃沙律、水果合桃沙律、雜菜沙律等等，而旁邊亦有不少配料可以DIY一個你最合適嘅沙律。食自助餐當然唔少得食海鮮啦，而冷盤海鮮區亦非常豐富，今次就拎咗凍蝦、蟹腳、翡翠螺、青口、麵包蟹，食材非常新鮮，特別蟹腳入口啖啖肉，味道鮮甜，配埋白酒一齊食更加可以令蟹味更為突出。另一邊麵包蟹原來真係好多蟹膏，食落去鮮甜甘香食唔停口。原來呢到真係俾到好多驚喜我，食完頭盤之後，發現呢到連紅燒乳鴿都有，而且食落去皮脆肉香有即燒嘅感覺，記住要食就要快啦，因為好多人都拎嫁。燒烤區就拎咗牛仔骨、大蝦，大廚燒得剛剛好可以保持到食物大部分肉汁，個人就特別鐘意佢個燒
帝景軒位於帝景酒店，到外面可以同時望到汀九橋同青馬大橋嘅夜景非常吸引。
入到去餐廳裝潢時尚，而且樓底亦非常之高唔會有局促嘅感覺。
而餐廳亦很有趣地特設以「老香港」為主題嘅戶外坐位，當日更有好幾對情侶爭住影相，玩味十足。
之後當然要睇睇自助餐有咩食啦，前菜沙律部份有多款選擇例如：煙鴨胸蜜桃沙律、水果合桃沙律、雜菜沙律等等，而旁邊亦有不少配料可以DIY一個你最合適嘅沙律。
食自助餐當然唔少得食海鮮啦，而冷盤海鮮區亦非常豐富，今次就拎咗凍蝦、蟹腳、翡翠螺、青口、麵包蟹，食材非常新鮮，特別蟹腳入口啖啖肉，味道鮮甜，配埋白酒一齊食更加可以令蟹味更為突出。另一邊麵包蟹原來真係好多蟹膏，食落去鮮甜甘香食唔停口。
原來呢到真係俾到好多驚喜我，食完頭盤之後，發現呢到連紅燒乳鴿都有，而且食落去皮脆肉香有即燒嘅感覺，記住要食就要快啦，因為好多人都拎嫁。
燒烤區就拎咗牛仔骨、大蝦，大廚燒得剛剛好可以保持到食物大部分肉汁，個人就特別鐘意佢個燒牛仔骨，咬落去淋身甘香，牛味亦濃郁。
再經我仔細咁睇，終於俾我發現今餐必食推介，就係任食養顏花膠，之後我更加好貪心拎咗四人份量一次過食。北菇燴花膠：首先佢真係好足料，花膠亦煮得淋身且有咬口，食落去滿口都係膠質養顏十足，食完皮膚即時滑咗。
餐廳內亦有刺身區，而當晚就有三文魚、甜蝦、鮑片、鯛魚、吞拿魚。
估唔到熱葷區亦有好多選擇，而且大多以海鮮為主，芝士煙肉焗蠔、砵酒焗爽蠔、香草焗鱸魚、避風堂炒蟹、德國豬手等等，而佢個鱸魚亦煮得唔錯，外表香脆內裡滑溜唔會過火。
甜品區嘅甜品非常精緻，適合每樣甜品都想試少少嘅朋友。
而且仲有任食Häagen-Dazs 雪糕。
有別於其他自助餐，佢有一部玩味十足嘅自制Pancake機，按一個制就有新鮮熱哄哄嘅Pancake出來。
最後自己DIY咗一個雪糕Pancake，Pancake好香蛋味，真係超正食完好滿足。
餐廳內亦設有自助酒區，只需要＋＄58就可以免費任飲啤酒、紅酒、白酒。而今餐以自助餐嚟講真係種類多而豐富，特別有好多以海鮮做出嚟嘅菜式十分新鮮，而任食花膠亦令人眼前一亮，希望有機會再同朋友再食一次啦。
張貼
