更多
2013-04-23
35 瀏覽
早排睇電視見到介紹呢間嘢, 見$68有蝦有蟹好似好抵，今晚經過見無乜人，諗住入去試下。一坐低，疑似老闆就好好招呼(皆因今晚落雨無乜人，所以招呼好好)，仲話唔限時。見枱面嗰張餐牌，果然有蝦有蟹又有蜆，果然抵食…….不過下面有一段字，竟然寫住每樣餸只可以叫一次（隨咗飯之外）。唉…..只怪自己去之前無睇其他食評，中伏既來之，則安之。唯有十幾樣餸點齊佢，再加潤腸飯兩碗，一支啤酒(另外俾錢)一如其他食評提到，啲海鮮唔新鮮，所以樣樣都係落重味，唔係辣就咸，只有個白灼花螺「清淡」啲最好食竟然係個生菜（可惜只可叫一次），同瘦肉粥（個粥都咸咸地，不過正好用嚟墜火）整體而言，味道就真係一般。至於份量（２人），唔算大碟（一隻蟹竟然然有四隻蛺），但係亦未至於唔飽，一來小弟兩口子食量不大，二來白飯任食…..
一坐低，疑似老闆就好好招呼(皆因今晚落雨無乜人，所以招呼好好)，仲話唔限時。
見枱面嗰張餐牌，果然有蝦有蟹又有蜆，果然抵食…….不過下面有一段字，竟然寫住每樣餸只可以叫一次（隨咗飯之外）。唉…..只怪自己去之前無睇其他食評，中伏
既來之，則安之。唯有十幾樣餸點齊佢，再加潤腸飯兩碗，一支啤酒(另外俾錢)
一如其他食評提到，啲海鮮唔新鮮，所以樣樣都係落重味，唔係辣就咸，只有個白灼花螺「清淡」啲
最好食竟然係個生菜（可惜只可叫一次），同瘦肉粥（個粥都咸咸地，不過正好用嚟墜火）
整體而言，味道就真係一般。至於份量（２人），唔算大碟（一隻蟹竟然然有四隻蛺），但係亦未至於唔飽，一來小弟兩口子食量不大，二來白飯任食…..
題外話/補充資料：
老實講，「任食」真係有點搵笨，但以$68來講，算係咁上下，但老闆覺得既然任食頂唔住，就唔好用此來昆人:P。
小弟建議不如大大方方咁話明蝦蟹呢啲貴價嘢只可以叫一次，其餘就任點任食，但總數不能起過幾多碟（十五碟或廿碟）咁仲好（好似小弟今晚想要多碟菜都唔得…..）:)
(以上食評乃用戶個人意見 , 並不代表OpenRice之觀點。)
張貼