更多
2015-11-22
515 瀏覽
家住觀塘,經常周圍搵區內有咩好野食,尤其我係甜品怪,久唔久就要搵d西式甜品同蛋糕黎食。要響觀塘區搵有質素既甜品餐廳,之前我會去apm既Suzuki Cafe Company,但自從佢執左之後,就頓覺六神無主,直至Spade by Lassana既出現。Spade by Lassana位於油塘大本型入面,之所以認識呢間餐廳,係因為佢既英式下午茶一早響晒朵,三層美食,周一至周五只係$99,周末同假期就$148,比外面既酒店同餐廳平一大截,所以引黎好多報章雜誌既報道。餐廳佔盡地利,面對偌大的落地玻璃窗,環境一d都唔輸蝕,令人覺得好舒服。我上次係周六黎既,早左半個鐘就黎左排隊,好彩都入到座(因為tea set係每日限量供應)。雖然假日個tea set比閑日貴左50蚊,不過我依然覺得物有所值。首先個set係鹹甜點都有既,唔會只有甜品食到漏晒,而且我最欣賞既,係佢既牛角包同鬆餅都係暖既,新鮮出爐好鬆化;個雲呢嗱雪糕都好正,老實講,我平時係唔鍾意食雲呢嗱雪糕既,因為嫌味道太平淡,不過呢度既雲呢嗱雪糕就明顯有雲呢嗱籽,真材實料,既香且滑,同樣得到我既垂青;不得不提既,仲有佢底層既法式燉蛋,滑到似食緊牛
Spade by Lassana位於油塘大本型入面,之所以認識呢間餐廳,係因為佢既英式下午茶一早響晒朵,三層美食,周一至周五只係$99,周末同假期就$148,比外面既酒店同餐廳平一大截,所以引黎好多報章雜誌既報道。
餐廳佔盡地利,面對偌大的落地玻璃窗,環境一d都唔輸蝕,令人覺得好舒服。我上次係周六黎既,早左半個鐘就黎左排隊,好彩都入到座(因為tea set係每日限量供應)。 雖然假日個tea set比閑日貴左50蚊,不過我依然覺得物有所值。首先個set係鹹甜點都有既,唔會只有 甜品食到漏晒,而且我最欣賞既,係佢既牛角包同鬆餅都係暖既,新鮮出爐好鬆化;個雲呢嗱雪糕都好正,老實講,我平時係唔鍾意食雲呢嗱雪糕既,因為嫌味道太平淡,不過呢度既雲呢嗱雪糕就明顯有雲呢嗱籽,真材實料,既香且滑,同樣得到我既垂青;不得不提既,仲有佢底層既法式燉蛋,滑到似食緊牛油,好厚身,真係好滿足!
______________________________
今日再經過餐廳,見到佢個Creme Brulee Cheese Cake,知道呢個芝士蛋糕好出名,採用澳洲奶類製品去做,好想試,於是決定先食早午餐,之後再嘆蛋糕。 中午時段,餐廳有提供英式早餐、班尼迪克蛋配法包、煙三文魚炒蛋配法式多士、熱香餅早餐配炒蛋和漢堡扒,而除左咖啡同茶,其他飲品都要加錢既。食物既造型吸引,麵包同薯餅都香脆,炒蛋炒得滑,好味,熱香餅唔係普通既熱香餅,而係加入左提子乾,令味道更香甜豐富。 然後重點來了,我的Creme Brulee Cheese Cake!蛋糕外賣$78,堂食要加10蚊,點解呢?原來堂食會加多好多裝飾架:新鮮士多啤梨、藍莓,仲有忌廉同士多啤梨汁,乜都抵番啦!
切開蛋糕,卡嚓一聲,因為面頭係一層焦糖脆脆,燒得微焦,有焦香,好鍾意呢陣味道;中間既芝士蛋糕,質感似American cheese cake,好rich好濃,帶少少檸檬味,可以減少飽滯感;底層仲有個餅底,我個人好鍾意食餅底,所以覺得個芝士蛋糕好perfect池。
個蛋糕分量都幾足,如果好似我咁,食完飯先食既話,適合4-6個人分享,否則就會食唔晒浪費啦。
張貼