木子甜品 (已結業) 查看

宇治仙草芋圓 $23我向來好鐘意食台灣嘅甜品，因為有好多煙煙韌韌嘅野，例如芋圓，珍珠等等。今次久違咁經過調景嶺呢邊，見到呢間係地鐵站隔離嘅台灣甜品店就即刻試左。呢間野設計走簡約路線，俾人一種清爽嘅感覺。不過不設堂食。餐牌上嘅選擇都幾多，有豆花，奶凍，刨冰，連心太軟都有。不過我就梗係揀番芋圓啦。一碗仙草入面有一球綠茶雪糕，紅豆，芋圓，蕃薯圓，個底就鋪滿仙草。綠茶雪糕感覺似冰多d，唔係好滑，不過綠茶味幾出，中和番紅豆嘅甜。芋圓同蕃薯圓都有芋頭同蕃薯味，唔會話好似咬緊擦膠咁一d味都冇。仙草好滑，不過一食嘅時侯係暖嘅，如果可以凍番d就應該唔會搞到舊雪糕咁快融。總括黎講都幾好味。