更多
2017-06-24
68 瀏覽
喺沙田附近行吓街，晚餐諗緊去邊度食之際，見到近河畔花園有一間叫做「M3 Italian」嘅意大利餐廳，望入去都好多人食，所以我哋三個入去試吓先。入到去坐門口位置，見到餐牌上面都好多款食物選擇，由於太肚餓啦，即刻叫咗個小食「炸雜錦三式」試吓先。小食有三款，分別係酥炸大蝦、意式炸雞翼同埋薯角，而且仲配埋兩款醬汁，分別係茄汁同沙律醬。炸蝦望落去炸得好香口，而且好大條，點埋沙律醬非常美味。另外我都好欣賞炸雞翼，炸雞翼以單骨為主，容易放入口食，而且外皮香脆，肉質滑嫩，正！之後叫咗個「四式芝士薄餅」， 入面包含咗四款芝士材料，仲見到有啲番茄醬圍住薄餅，好足料嘅Pizza。Pizza分開有六份，足夠我哋三個人食，遠處都聞到好香芝士味道，而食落口啖啖芝士，芝士味道好濃郁，而且薄餅底有脆脆嘅口感，有軟有脆，可以享受不同的滋味。意粉方面見到餐牌上特別推介「黑松露野菌燒帶子意大利粉」，圖片嘅賣相非常吸引，所以就叫左。意粉嚟到個賣相同圖片一樣，而且有好濃郁嘅黑松露味道，至於配料方面，入面除咗有帶子同埋蜆之外，仲有我最鍾意嘅蘆筍，大愛！味道方面食落口滿口都係軟綿綿質感嘅意大利麵，每一條意粉都有好濃郁嘅黑松露，意
入到去坐門口位置，見到餐牌上面都好多款食物選擇，由於太肚餓啦，即刻叫咗個小食「炸雜錦三式」試吓先。小食有三款，分別係酥炸大蝦、意式炸雞翼同埋薯角，而且仲配埋兩款醬汁，分別係茄汁同沙律醬。炸蝦望落去炸得好香口，而且好大條，點埋沙律醬非常美味。另外我都好欣賞炸雞翼，炸雞翼以單骨為主，容易放入口食，而且外皮香脆，肉質滑嫩，正！
之後叫咗個「四式芝士薄餅」， 入面包含咗四款芝士材料，仲見到有啲番茄醬圍住薄餅，好足料嘅Pizza。Pizza分開有六份，足夠我哋三個人食，遠處都聞到好香芝士味道，而食落口啖啖芝士，芝士味道好濃郁，而且薄餅底有脆脆嘅口感，有軟有脆，可以享受不同的滋味。
意粉方面見到餐牌上特別推介「黑松露野菌燒帶子意大利粉」，圖片嘅賣相非常吸引，所以就叫左。意粉嚟到個賣相同圖片一樣，而且有好濃郁嘅黑松露味道，至於配料方面，入面除咗有帶子同埋蜆之外，仲有我最鍾意嘅蘆筍，大愛！味道方面食落口滿口都係軟綿綿質感嘅意大利麵，每一條意粉都有好濃郁嘅黑松露，意粉非常入味，而且帶子好大隻，煎得恰到好處，入面生出面熟，好高技巧嘅功夫，所以咬落去好有口感，好味道，必食意粉！
由於我哋太鍾意食乳豬，所以叫咗餐廳必食嘅「西班牙燒乳豬配薯蓉及紅椰菜」。見到乳豬外皮香脆，入面有好新鮮滑亂嘅肉，乳豬更滲透着啲肉汁出嚟，非常吸引，而食落去肉質非常新鮮，淡淡肉，而且肉質軟林林，成舊乳豬食落口好滋味，再配埋佢啲醬汁一齊食，冇得頂！
最後叫咗「烤安格斯西冷扒配蘆筍苗焗蒜頭及腸薯仔」有九安士重，見到牛扒用木板上的，底下有好多蘆筍苗，賣相非常吸引，切落去見到牛扒中間鮮粉紅色，外皮煎得好香脆，食落口滿口新鮮牛肉味道，肉汁滲晒係木板上面，七成熟煎得啱啱好，極力推薦！
食咗咁多嘢，三個都係＄1000左右埋單，就可以食到咁豐富嘅晚餐，食物質素好，絕對超值，極力推薦！
張貼
