更多
2015-06-27
3406 瀏覽
因為屋企住附近,所以食自助餐就會先考慮2+2. 今次係第三次去食2+2呢個龍蝦生蠔主題,對上一次係三月底食嘅。前兩次都幾滿意,今次明顯感到退步左,所以第一次想上黎寫食評。最大退步係呢個自助餐的主角-- 冷盤龍蝦,冷盤龍蝦冇鮮味冇龍蝦味,淨係得舊冇味嘅肉。反而長腳蟹蟹腳比上兩次好味,唔會好似之前嘅咁咸,鮮甜,但蟹腳size瘦左細左,算係打平。 藍青口肉嫩又有鮮味,好過之前嘅。 翡翠螺中規中矩。仲有覺得冷盤海鮮嘅refill速度比之前慢左。生蠔,一樣每人每次限攞三隻,算係今餐最滿意嘅食物之一,但好似比之前細隻左啲,同埋可能為左安全衛生,已經洗到冇曬海水味。但我都食左好多隻。刺身方面,三文魚唔夠肥美. 吞拿魚肉好削,唔好食。壽司飯一夾就散。即煮嘅龍蝦湯,正常。龍蝦意粉麻麻地,唔覺有龍蝦味,意粉醬汁味偏淡。爐端燒嘅龍蝦好食過冷盤龍蝦,但要等。有現炒嘅豉椒青口,同咩咩炒蝦(唔記得),但媽咪話見到炒前走過油,我覺得好油,唔中意,食左兩件冇食了。現切嘅豬髀肉同肉眼扒嘅肉都好嫩,唔錯。龍蝦鉗遠比冷盤龍蝦有龍蝦味,但殼冇壓碎,食下邊嘅肉好麻煩。今餐另一個最滿意嘅食物就係羊架,記得前兩次黎都冇羊架。羊肉
最大退步係呢個自助餐的主角-- 冷盤龍蝦,冷盤龍蝦冇鮮味冇龍蝦味,淨係得舊冇味嘅肉。反而長腳蟹蟹腳比上兩次好味,唔會好似之前嘅咁咸,鮮甜,但蟹腳size瘦左細左,算係打平。 藍青口肉嫩又有鮮味,好過之前嘅。 翡翠螺中規中矩。 仲有覺得冷盤海鮮嘅refill速度比之前慢左。
生蠔,一樣每人每次限攞三隻,算係今餐最滿意嘅食物之一,但好似比之前細隻左啲,同埋可能為左安全衛生,已經洗到冇曬海水味。但我都食左好多隻。 刺身方面,三文魚唔夠肥美. 吞拿魚肉好削,唔好食。壽司飯一夾就散。 即煮嘅龍蝦湯,正常。龍蝦意粉麻麻地,唔覺有龍蝦味,意粉醬汁味偏淡。 爐端燒嘅龍蝦好食過冷盤龍蝦,但要等。 有現炒嘅豉椒青口,同咩咩炒蝦(唔記得),但媽咪話見到炒前走過油,我覺得好油,唔中意,食左兩件冇食了。 現切嘅豬髀肉同肉眼扒嘅肉都好嫩,唔錯。龍蝦鉗遠比冷盤龍蝦有龍蝦味,但殼冇壓碎,食下邊嘅肉好麻煩。 今餐另一個最滿意嘅食物就係羊架,記得前兩次黎都冇羊架。羊肉嫩,有羊味,食左幾件。可惜最後一次refill時有啲羊架煮燶左少少,陣燶味蓋過了羊味。 有啲燶左嘅羊架
其餘熱菜中規中矩。我冇食乳鴿,不過媽咪話乳鴿肉好老。
到甜品,我不太熱衷有芝士嘅甜品。有幾款芒果,熱情果味,巨峰提子味等嘅慕斯蛋糕,我覺得食落好清新同特別,中意,因為中意食生果。 雪糕係H牌,但只有四隻味,菠蘿,士多啤梨,朱古力,芝麻。好似比上次少左。 四星級酒店 自助餐,雪糕只有四隻味好似少左啲囉。中式甜品就有好幾款,豆腐花,楊枝甘露,紫米露,紅豆沙,涼粉。 整體係退步左,有啲失望,希望會有改善。如果唔係,應該唔會再食下次了。
(最後想講,因為坐二人枱,有啲逼,又係食限時2個鐘,食嗰時亦冇諗住要寫食評,所以相都係是旦影嘅,大家將就睇下啦)
張貼