更多
2015-12-17
934 瀏覽
星期日同屋企人睇完表演, 就響附近飲茶, 呢間記得好耐之前飲過OK, 所以再去食. 去到門口都幾多人, 我地5個人, 所以係B號開頭既飛, 而細枱大枱既英文開頭亦都唔同. 等左一大輪, 終於下一個號碼到我, 我就企定響叫號個接待處standby, 點知佢跳左我個號碼, 叫左之後5張飛既號碼, 我一睇原來後面幾張都係3-4人, 我心諗可能坐細枱, 而我5個人要等中枱. 我索性就坐響門口D凳等佢叫, 點知又過左一輪, 佢又叫其他號碼, 但都無叫我果個, 我唔憤氣去佢個機到睇, 原來佢已經叫左3張5人既飛, 完全將我個號碼skip左, 我即刻問佢點解你唔叫我個號碼, 佢話你果個過左啦, 我話你頭先跳左我個號碼, 之後我一直坐響度聽, 你跟本無叫過, 跟住支客頂唔住我hur住佢, 佢拿拿臨寫個號碼比我入. 我同屋企人講番, 佢話可能支客比晒自己D茶友先, 而跳晒我地D生客, 如果我唔出聲, 佢真係唔理囉...好喇, 一肚氣入左去, 叫左咩茶之後, 其實想搵個侍應都難. 算啦, 點左食咩加水都自己黎比較好.蜜汁义燒腸(大點), 义燒餡唔算特別多, 無咩味, 不過腸粉皮幾滑.香煎荔芋糕(中點),
等左一大輪, 終於下一個號碼到我, 我就企定響叫號個接待處standby, 點知佢跳左我個號碼, 叫左之後5張飛既號碼, 我一睇原來後面幾張都係3-4人, 我心諗可能坐細枱, 而我5個人要等中枱. 我索性就坐響門口D凳等佢叫, 點知又過左一輪, 佢又叫其他號碼, 但都無叫我果個, 我唔憤氣去佢個機到睇, 原來佢已經叫左3張5人既飛, 完全將我個號碼skip左, 我即刻問佢點解你唔叫我個號碼, 佢話你果個過左啦, 我話你頭先跳左我個號碼, 之後我一直坐響度聽, 你跟本無叫過, 跟住支客頂唔住我hur住佢, 佢拿拿臨寫個號碼比我入. 我同屋企人講番, 佢話可能支客比晒自己D茶友先, 而跳晒我地D生客, 如果我唔出聲, 佢真係唔理囉...
好喇, 一肚氣入左去, 叫左咩茶之後, 其實想搵個侍應都難. 算啦, 點左食咩加水都自己黎比較好.
蜜汁义燒腸(大點), 义燒餡唔算特別多, 無咩味, 不過腸粉皮幾滑.
香煎荔芋糕(中點), 個皮煎得幾香, 唔算太油, 芋頭味唔算太勁, 正常.
粉果(小點), 皮唔會太厚, 蒸得夠透. D餡有粉葛, 所以食落幾爽.
义燒飽(中點), 個皮都幾軟熟, 义燒咸度適中, 餡都幾多, 唔會太多肥肉.
燒賣皇(特點), 食落幾爽口, 不過蝦唔算大隻.
豉蒜蒸排骨(大點), 呢個排骨個豉蒜味確係唔錯, 好惹味, 亦都唔會太油. 排骨有肥有瘦, 啱晒唔同人口味.
仲要多個菜粒蛋白炒飯($55), 個飯清清地, 唔會太重味, 幾好. 飯炒得夠乾身但唔會太硬.
呢餐5個人食左2百幾蚊, 圍起上黎都唔算太貴, 食物整體好味既, 但最差就係D服務.
張貼
