更多
2013-12-24
1004 瀏覽
都唔知點解未夠六點半, 食壽司果度已經要等位, 仲要等成十幾張, 望落個個都好似坐低食冇耐, 所以都係唔等, 轉去另一間食, 而唯一仲有位的就係呢度............. 片皮鴨雖然得兩個人, 但見佢有得選擇半只, 於是就叫半只試下.............開頭仲估佢會淨係片皮, 會片少D肉, 因為D肉可以留番做其他餸, 但比我預期中多好多肉, 不過只鴨就肥咗少少, 我要刮走D肥膏先包層粉皮食, 咁樣就好正, 因為佢個皮都好脆, 而刮走咗層肥膏, 食落冇咁油膩, 可以食多幾塊, 不過呢度D冷氣實在太勁, D粉皮好快吹到又乾又凍, 變咗冷盤咁.......... 椒鹽南非大鮑魚呢個成七十幾蚊, 以為真係好大只, 點知..............好似只羮咁大, 不過又幾好食, 第一次食椒鹽鮑魚, 佢仲比埋刀叉你剧, 感覺好得意, 最意想不到就係佢個鮑魚殼洗得好乾淨, 用嚟裝番只鮑魚, 個底仲有D炸米粉tim~~ 我估個鮑魚係先蒸熟, 然後沾少少粉去炸, 再用椒鹽埋鑊, 但d肉一d都唔un, 仲好爽口彈牙~ 乳鴿呢個係叫鮑魚+$1配的, 乳鴿反而唔係咁肥, 瘦瘦地, 不過就
片皮鴨
雖然得兩個人, 但見佢有得選擇半只, 於是就叫半只試下.............開頭仲估佢會淨係片皮, 會片少D肉, 因為D肉可以留番做其他餸, 但比我預期中多好多肉, 不過只鴨就肥咗少少, 我要刮走D肥膏先包層粉皮食, 咁樣就好正, 因為佢個皮都好脆, 而刮走咗層肥膏, 食落冇咁油膩, 可以食多幾塊, 不過呢度D冷氣實在太勁, D粉皮好快吹到又乾又凍, 變咗冷盤咁.......... 椒鹽南非大鮑魚
呢個成七十幾蚊, 以為真係好大只, 點知..............好似只羮咁大, 不過又幾好食, 第一次食椒鹽鮑魚, 佢仲比埋刀叉你剧, 感覺好得意, 最意想不到就係佢個鮑魚殼洗得好乾淨, 用嚟裝番只鮑魚, 個底仲有D炸米粉tim~~ 我估個鮑魚係先蒸熟, 然後沾少少粉去炸, 再用椒鹽埋鑊, 但d肉一d都唔un, 仲好爽口彈牙~ 乳鴿
呢個係叫鮑魚+$1配的, 乳鴿反而唔係咁肥, 瘦瘦地, 不過就燒過咗少少火位, 邊位乾咗少少, 但$1真係好抵............籠仔蒸龍躉
老公話上次見隔離枱食好似好好食咁, 所以今次都要叫嚟試試, 果然一打開個籠蓋, 好香果皮味, 一d魚腥味都冇, 仲有d蒜茸同蔥的香味, 不過就一定要趁熱食, 咁會好食好多, 同埋冇咁油膩, 但呢籠嘢實在太大, 食唔哂lor~~紅豆沙
問亞姐今期有乜糖水, 佢話紅豆沙, 我再問淨係紅豆沙咋, 佢又答紅豆沙, 都廢事再同佢講, 等佢拎紅豆沙嚟lor~~ 雖然係送的, 但煲到好沙好杰身, 又唔會太甜, 好正~
題外話/補充資料：
原本佢有部份枱係set好咗打邊爐, 但最後冇想像中咁多人食, 唯有即刻鋪番枱布, 做番小菜枱, 但d伙計可能太趕或者太大意, 竟然唔記得拔電磁爐的插穌, 响上菜時唔覺意high着咗個爐, 搞到辣穿咗張枱布, 果枱男人即刻叫經理嚟, 但個經理竟然好淡定咁話 "小意思啫, 你拔咗個插穌咪得lor~", 嘩..............大佬, 呢d唔係小意思, 隨時着火架~ 不過可能唔第一次掛? 所以都麻木哂~
(以上食評乃用戶個人意見 , 並不代表OpenRice之觀點。)
張貼
