更多
2011-11-05
159 瀏覽
噚日老公想食片皮鴨，6點鬆DD，經過第一城，就走咗入去福彩睇吓。見個餐牌有半隻片皮鴨叫，我地得2丁友，啱晒﹗入座﹗點了片皮鴨2食(第2食係生菜包鴨鬆)、生炒糯米飯一碟、半隻脆皮燒雞、瑤柱爬豆苗，一共五樣(大食積)!先來個糯米飯，好明顯係酒席擔尾炒定的，油冧冧，無味!再來瑤柱爬豆苗，呢個都OK!跟住即席片皮鴨，味道還可以。然後係脆皮燒雞，皮好脆，但雞肉係「梅」的!食晒以上四款後，已經過咗半個鐘，仲未來生菜包鴨鬆，搵個侍應追一追，佢睇都唔睇就話係要等的。我就開聲同佢講，已經等咗半個鐘，唔該再幫手睇吓。佢竟然走咗去cashier企咗係度，可能以為我睇佢唔到(我個位係對住cashier不過10步)，然後行開咗。以為企係cashier幫我扮追野我會上當...再過10分鐘，都係未到，我搵咗個經理幫我睇，佢今次真係有去追，叫我再等5分鐘。我見食完個碗油冧冧，叫呀姐幫我換一個。呀姐係後面台換咗比我，但我見個碗裡面有漬，就請佢幫我換另一個。我老公見佢背住我地企就望吓佢做乜，佢竟然背住我用手指捽甩咗d漬比番我!!!!!!老公忍唔住叫佢直頭換過另一個，佢仲態度好差咁黑晒面﹗就係咁，又過多10分鐘了，都仲未到
見個餐牌有半隻片皮鴨叫，我地得2丁友，啱晒﹗入座﹗
點了片皮鴨2食(第2食係生菜包鴨鬆)、生炒糯米飯一碟、半隻脆皮燒雞、瑤柱爬豆苗，一共五樣(大食積)!
先來個糯米飯，好明顯係酒席擔尾炒定的，油冧冧，無味!
再來瑤柱爬豆苗，呢個都OK!
跟住即席片皮鴨，味道還可以。
然後係脆皮燒雞，皮好脆，但雞肉係「梅」的!
食晒以上四款後，已經過咗半個鐘，仲未來生菜包鴨鬆，搵個侍應追一追，佢睇都唔睇就話係要等的。我就開聲同佢講，已經等咗半個鐘，唔該再幫手睇吓。佢竟然走咗去cashier企咗係度，可能以為我睇佢唔到(我個位係對住cashier不過10步)，然後行開咗。以為企係cashier幫我扮追野我會上當...
再過10分鐘，都係未到，我搵咗個經理幫我睇，佢今次真係有去追，叫我再等5分鐘。
我見食完個碗油冧冧，叫呀姐幫我換一個。呀姐係後面台換咗比我，但我見個碗裡面有漬，就請佢幫我換另一個。我老公見佢背住我地企就望吓佢做乜，佢竟然背住我用手指捽甩咗d漬比番我!!!!!!老公忍唔住叫佢直頭換過另一個，佢仲態度好差咁黑晒面﹗
就係咁，又過多10分鐘了，都仲未到，無名火起﹗再搵另一個經理來，同佢講取消個鴨鬆，佢又話幫我追，我地即時拒絕，講明而家來都不要﹗
埋單3百幾，請嗰位埋單小姐比張單來睇吓(因為驚佢入埋2食條數)，佢又係黑晒面﹗
唔係第一次來幫襯，之前已經食過幾次，都係片皮鴨。第一次來叫咗一隻，佢無即席片起，食食吓發現原來係2隻合拼的，算了﹗之後都去過2-3次食飯或打邊爐，食物水準OK，但員工態度都係麻麻。我地唔會食完一次覺得唔好就唔再比機會的，諗住去多2次試吓，都係咁既態度，但人客一次比一次少。
走嗰陣望吓錶，已差不多7:45p.m.，起身望吓全場，坐唔夠一半。理應星期五、六最旺場。
我諗，BLACK LIST佢算了﹗
張貼