更多
2013-10-28
2831 瀏覽
上週二，11:45a.m.嚟到，已經有6、7人排緊隊，12點過咗少少先開始安排入座。我哋3個人，2個先入座。由於星期一至四午市無限時，坐低咗先等齊人慢慢揀食邊款牛。和心集團最近做緊會員招募，惠顧滿$200（未加一計）+$88即可入會，因此我哋揀咗$63日牛套餐（1碟牛肉）×2 同 $78 特選牛肉 （1碟）×1，其他配料+飲品+乳酪任食放題，而會員9折優惠已可即時使用，仲有10張和心旗下品牌食肆嘅優惠券，有效期至2014年12月31日。一人一鍋，3個都揀咗胡椒和牛清湯。而落單前，小弟詢問過入會詳情，等湯底其間，職員主動問趁這空檔會唔會填表（簡單聯絡資料）入會。其實佢哋人手非常少，但佢哋非常有耐性同親切，很好嘅服務態度，要檢討嘅係應該加派人手。胡椒和牛清湯，越滾越香越有味。日牛（普通牛），普通但唔靭。特選牛，好淋好滑，唔油又唔太肥，會食上癮！其他任食火鍋配料麻麻，唯獨是魚片頭爽口又好味！飲品有汽水機嘅可樂、雪碧同雀巢檸檬茶。甜品係唯一嘅原味乳酪，亦係午市嘅主角，有6款配料，午市一定要留肚食乳酪！！好味
我哋3個人，2個先入座。由於星期一至四午市無限時，坐低咗先等齊人慢慢揀食邊款牛。
和心集團最近做緊會員招募，惠顧滿$200（未加一計）+$88即可入會，因此我哋揀咗$63日牛套餐（1碟牛肉）×2 同 $78 特選牛肉 （1碟）×1，其他配料+飲品+乳酪任食放題，而會員9折優惠已可即時使用，仲有10張和心旗下品牌食肆嘅優惠券，有效期至2014年12月31日。
一人一鍋，3個都揀咗胡椒和牛清湯。而落單前，小弟詢問過入會詳情，等湯底其間，職員主動問趁這空檔會唔會填表（簡單聯絡資料）入會。其實佢哋人手非常少，但佢哋非常有耐性同親切，很好嘅服務態度，要檢討嘅係應該加派人手。
胡椒和牛清湯，越滾越香越有味。
日牛（普通牛），普通但唔靭。
特選牛，好淋好滑，唔油又唔太肥，會食上癮！
其他任食火鍋配料麻麻，唯獨是魚片頭爽口又好味！
飲品有汽水機嘅可樂、雪碧同雀巢檸檬茶。
甜品係唯一嘅原味乳酪，亦係午市嘅主角，有6款配料，午市一定要留肚食乳酪！！好味
張貼
